इंदौर | प्रसिद्ध आध्यात्मिक गुरु भय्युजी महाराज यांनी स्वत:वर गोळी झाडून आत्महत्या केली आहे. महाराजांनी आत्महत्या करण्यापूर्वी इंग्रजीत सुसाईट नोट लिहून ठेवली होती. ‘मला आयुष्यातील ताण असह्य झाला असून मी खूप थकलोय. माझ्या आत्महत्येसाठी कोणालाही जबाबदार धरण्यात येऊ नये असे भय्युजी महाराजांनी सुसाईट नोटमध्ये लिहिले आहे.
भय्युजी महाराज यांनी आत्महत्येपुर्वी सुसाईट नोट लिहिली आहे. महाराजांनी आत्महत्या करण्याच्या वेळीस त्यांची पत्नी आणि आई घरात उपस्थित होत्या. तसेच त्यांचे अनुयायी देखील घरात असून गोळीचा आवाज ऐकू आल्यानंतर भय्युजी महाराजांच्या खोलीच्या दिशेने धाव घेतली.
परंतु महाराजांचा खोलीचा दरवाजा आतून बंद असल्यामुळे दरवाजा तोडून त्यांच्या खोलीत अनुयायी दाखल झाल्यानंतर पाहिले की, महाराज रक्ताच्या थारोळ्यात पडलेले होते. त्यानंतर भय्युजी महाराजांना इंदौर येथील बॉम्बे रुग्णालयात दाखल करण्यात आले असून उपचारादरम्यान त्यांची प्राणज्योत मालवली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
