सांगली | जलसंपदा मंत्री गिरीश महाजन यांचा पूरग्रस्त भागाची पाहणी करण्यासाठी गेले असतानाचा बोटीतून सेल्फी व्हिडिओ सध्या राज्यभरात चांगलाच व्हायरल होत आहे. राज्यातील पूर परिस्थितीची महाजनांना गांभीर्य नसल्याचे त्यांच्या कृत्यातून दिसून आले. यानंतर सर्व स्तरातून त्यांच्यावर टीका होऊ लागली. यानंतर महाजन यांनी सांगली येथील गेल्या चार दिवसांपासून कोणतीही न मिळालेल्या भाग पोहचल्याचा व्हिडिओ त्यांनी त्यांच्या ट्वीटर हँडलवर टाकून विरोधकांवर टीका केली.
गेल्या ४ दिवसांपासून मदत न मिळालेल्या गावांत आज पोहोचलो.
मदतकार्याचे राजकारण करणाऱ्या विरोधी पक्षांतील नेत्यांना मी विनंती करतो की आपले घरात बसून टीका-ट्रोलिंग करत मनोरंजन झाले असेल तर येऊन प्रत्यक्ष मदतकार्यात सहभागी व्हावे! #maharashtrafloods #MaharashtraRains #Kolhapurfloods pic.twitter.com/oA7tvnbEAh— Girish Mahajan (@girishdmahajan) August 9, 2019
महाजन यांनी त्यांच्या ट्वीटमध्ये म्हटले की, “गेल्या ४ दिवसांपासून मदत न मिळालेल्या गावांत आज पोहोचलो. मदतकार्याचे राजकारण करणाऱ्या विरोधी पक्षांतील नेत्यांना मी विनंती करतो की आपले घरात बसून टीका-ट्रोलिंग करत मनोरंजन झाले असेल तर येऊन प्रत्यक्ष मदतकार्यात सहभागी व्हावे!,” असा टोला विरोधकांना लगावला आहे.
आज सांगली मधील ज्या पूरग्रस्त भागांमध्ये आतापर्यंत कोणतीही मदत पोचली नव्हतीं, त्या ठिकाणी भारतीय सैन्य दलाच्या अधिकाऱ्यांसमवेत आपत्तीग्रस्त पर्यंत पोचलेले आहोत व त्यांचे रेस्क्यू ऑपरेशन सुरू केलेले आहे. #maharashtrafloods pic.twitter.com/XsVXlmFkF3
— Girish Mahajan (@girishdmahajan) August 9, 2019
महाजनांच्या सेल्फी व्हिडिओमध्ये ते पूर परिस्थितीचा आढवा घेण्यासाठी जात असताना बोटीत बसले असून मोबाईलमध्ये बघत असून हासत हात दाखवित आहेत. या व्हिडिओमध्ये जे दिसते ते पाहता, महाजन पूरपरिस्थितीची पाहणी करण्यासाठी गेले होते की पर्यटनासाठी ? असा प्रश्न पडतो.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
