मुंबई | धुळे शिरपुर येथील रावसाहेब पाटील, मनोहर भिडे यांच्या समर्थकांनी यांनी भिमा-कोरेगावचा आकडा गाठता येत नसल्यास तो आकडा मुख्यमंत्री देवन्द्र फडणवीस आणि पुण्याचे पालक मंत्री गिरीष बापट यांचा खुण करुन पुर्ण करावा अशी पोस्ट फेसबुकवर टाकली होती, त्याची माहीती अॅड. प्रकाश आंबेडकर यांनी पत्रकार परीषदेत दिली. त्याला जवळपास अडीज महीने उलटले आहेत. तरीही रावसाहेब पाटील यांच्यावर कारवाई केली गेली नाही.
२६ मार्चच्या एल्गार मार्च च्या प्रतिनिधींना मुख्यमंत्री विधानभवनात भेटले त्यावेळी रावसाहेब पाटील यांच्या पोस्टची माहीती प्रत्यक्षात दिली होती. प्रकाश आंबेडकर मुख्यमंत्र्याच्या भेटीवेळी प्रत्यक्ष उपस्थित होते. मुंबईचे अतिरिक्त आयुक्त देवेन भारती आणि गृहसचिव यांच्या उपस्थितीत रावसाहेब पाटील यांच्यावर कारवाई करु आणि आठ दिवसात गुन्हा दाखल करु, असे सर्वांसमोर आश्वासन देणारे मुख्यमंत्री चोर सोडुन सन्याशाला फाशी द्यायला निघाले आहेत.
आज २१ दिवस उलटुन गेल्यानंतर रावसाहेब पाटलांवर कारवाई नाही तर कारवाई एल्गार मोर्चाच्या संयोजकांवर होत आहे. एल्गार परिषदेचे संयोजक कबीर कलामंच,रिपब्लिकन पॅन्थर यांच्या कार्यकर्त्यांवर पुणे, मुंबई येतील राहत्या घरांवर आणि कार्यालयांवर सकाळी ६ वाजता पुणे पोलिसांचे पथक सर्च वॉरन्ट घेऊन या कार्यकर्त्यांना धमकावीत आहेत.
१७ एप्रिल रोजी केलेले हे छापेसत्र ही लोकशाहीवादी कार्यकर्त्यांची मुस्कटदाबी आहे. असे सम्यक विद्यार्थी आंदोलन महाराष्ट्र राज्य कमिटीचे मत बनले आहे. या सर्व दडपशाहीचा आम्ही निषेध करतो. भिमा-कोरेगाव प्रकरणात आरोपी असलेले संभाजी भिडे यांना वाचवण्यासाठी महाराष्ट्र पोलिसांनी आणि महाराष्ट्र शासनाने केलेली धडपड आहे असे सम्यक विद्यार्थी आंदोलन विद्यार्थी संघटनेचे मत बनले आहे. तत्काळ हे छापेसत्र थांबावे अन्यथा महाराष्ट्रातील २६० संघटना आणि सम्यक विद्यार्थी आंदोलन सोबत येऊन सरकारच्या या दडपशाहीचा प्रतिकार करायला मोठ्या संख्येन रस्त्यावर उतरतील असा इशारा सम्यक आंदोलन विद्यार्थी संघटनेकडून देण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
