पुणे | येत्या दोन दिवसांमध्ये राज्यासह गोव्यातसुद्धा तुरळक पावसाचा अंदाज पुणे वेधशाळेने वर्तविला आहे. शुक्रवारी मराठवाडा व मध्य महाराष्ट्रात सोसाट्याच्या वाऱ्यासह पावसाची शक्यता आहे, परंतु विदर्भात मात्र हवामान कोरडे राहील, असा अंदाज वर्तविण्यात आला आहे. उस्मानाबाद जिल्ह्यातील उमरगा शहरामध्ये सलग तीन दिवस अतिवृष्टी होत आहे. त्यामुळे तेथील वादळी वाऱ्यामुळे पिके पूर्णपणे उद्ध्वस्त झाली आहेत.
जिल्ह्यात सतत होणाऱ्या पावसामुळे ऊसासह अन्य भाजीपाल्याचे देखील मोठ्या प्रमाणात नुकसान झाले आहे. उमरगामध्ये बुधवारी ८१ मिमी एवढा पाऊस झाला आहे. तर मुरूममध्ये २१ तर डाळिंबला २४ मिमी पासवसाची नोंद झाली आहे. भूम तालुक्यतील पाटसांगवी परिसरात वांगी व कारल्याचा पिकांचे मोठ्या प्रमाणावर नुकसान झाले आहे.
याआधीही राज्यात पावसाचा जोर वाढण्याची शक्यता हवामान खात्याने वर्तवली होती. कोकण, मध्य महाराष्ट्र, विदर्भ आणि खान्देशात अनेक ठिकाणी पावसाचा अंदाज हवामान खात्याकडून वर्तविण्यात आला होता. आंध्र प्रदेश, ओडिसा, पश्चिम बंगालच्या किनाऱ्यालगत वारे ताशी ५५ ते ७५ किलोमीटर वेगाने वाहत असल्याने सतर्कतेचा इशारा देखील देण्यात आला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
