मुंबई | राज्याचे गृहनिर्माणमंत्री जितेंद्र आव्हाड कोरोनावर मात करुन यशस्वीपणे घरी परतले आहेत. २३ एप्रिलला जितेंद्र आव्हाड रुग्णालयात दाखल झाले होते. आणि त्यानंतर घरी परतल्यानंतर त्यांनी काही बाबी सांगितल्या आहेत. त्यांनी हे ही सांगितले की मी ज्या चूका केल्या त्या तूम्ही करु नका. सुरुवातीला जेव्हा माझा पहिला रिपोर्ट निगोटिव्ह आल्यानंतर मी दुर्लक्ष केले, आणि त्यानंतर काही दिवसांनी मला ताप आला आहणि मग माझा रिपोर्ट पॉझिटिव्ह आला. त्याची किंमत म्हणून मला कोरोनाचा सामना करावा लागला.
त्यामूळे मी पहिल्यांदा दुर्लक्ष केल्याने मला त्याची मोठी किंमत मोजावी लागली, असे जितेंद्र आव्हाड यांनी म्हटले आहे. आणि तुम्ही कोणीही कोरोना सदृष्य लक्षणे जर दिसली तर लगेचच डॉक्टरांकडे जा, दुर्लक्ष करु नका असा सल्लाही यावेळा त्यांनी दिला. तसेच, या कठीण काळात मला अनेकांनी साथ दिली, घरच्यांनी, डॉक्टरांनी मला बरे करण्यासाठी जे प्रयत्न केले त्या सगळ्यांचे आभार मानले आहे.
माझ्यावर यशस्वी उपचार करणारे फोर्टिस हॉस्पिटल मुलुंड येथील सर्व डॉक्टर्स ,नर्सेस ,वॉर्डबॉय आणि इतर सर्व हॉस्पिटल स्टाफ यांचा मी आयुष्यभर ऋणी राहीन त्यांना मनापासून धन्यवाद. आणि सर्वात महत्वाचं म्हणजे माझी पत्नी आणि मुलगी यांच्या प्रेमाची ताकद माझ्या पाठीशी होती.
— Dr.Jitendra Awhad (@Awhadspeaks) May 10, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
