मुंबई | कोरोनाच्या पार्श्वभूमीवर राज्याच्या आर्थिक व्यवहारांवर परिणाम होत आहे. परंतु, उपमुख्यमंत्री आणि अर्थमंत्री अजित पवार सर्व क्षेत्रातील उद्योजकांना, शेतकऱ्यांना कसा लाभ होईल यानुसारच पावले उचलत आहेत. काल (३१ मार्च) दुध उत्पादक शेतकऱ्यांना त्यांनी दिलासा दिला. सरकार २५ रुपये प्रतिलिटर दुधाची खरेदी करणार असल्याची त्यांनी माहिती दिली.
दरम्यान, आज (१ एप्रिल) महात्मा जोतिबा फुले शेतकरी कर्जमाफी योजनेंतर्गत राज्यातल्या शेतकऱ्यांच्या खात्यात कर्जमाफी रक्कम जमा करण्यात आली आहे. त्याबद्दलचे ट्विटही त्यांनी केले आहे. जिल्हा सहकारी बॅंकांच्या माध्यमातून शेतकऱ्यांच्या खात्यावर ही रक्कम जमा केली असल्याचेही त्यांनी ट्विटरवरुन सांगितले आहे.
जिल्हा सहकारी बँकांच्या माध्यमातून १० लाख ४० हजार ९३५ शेतकऱ्यांच्या खात्यात ५४०७.१३ कोटींची तर, व्यापारी बँकांच्या माध्यमातून ८ लाख ४८ हजार ५९३ शेतकऱ्यांच्या खात्यात ६५५९.८० कोटी रुपये एवढी रक्कम जमा करण्यात आली आहे.
— Ajit Pawar (@AjitPawarSpeaks) April 1, 2020
घरातच थांबून कोरोनाविरुद्धच्या लढ्यात योगदान द्यावे, असे आवाहनही उपमुख्यमंत्री अजित पवार यांनी जनतेला केले आहे. कोरोनाविरुद्धच्या लढ्यात बेजबाबदारपणे वागणाऱ्यांची, नियम मोडणाऱ्यांची आता खैर नाही, असा इशाराही त्यांनी दिला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
