मुंबई | सॅटर्डे क्लब ग्लोबल ट्रस्टचे संस्थापक माधवराव भिडेंचे आज ७ जुलै २०१८ रोजी मुंबई येथील एका खाजगी रुग्णालयात अल्पशा आजाराने निधन झाले. मृत्यूसमयी त्यांचे वय ८६ होते. भिडे यांच्या पश्चात पत्नी डॉ. इरावती, पुत्र सुहास व राजीव, दोन स्नुषा, नातवंडे व हजारो मराठी उद्योजक आहेत. रेल्वेमधून चीफ इंजिनीअर म्हणून निवृत्त झाल्यावर त्यांनी भिडे असोसिएट्स नावाने स्वत:ची कंपनी सुरू केली.
मराठी उद्योजकांना एकत्र आणण्यासाठी सन २००० मध्ये त्यांनी सॅटर्डे क्लब ग्लोबल ट्रस्ट या संस्थेची स्थापना केली. या संस्थेचे ४५ हून अधिक चॅप्टर असून, १७०० हून अधिक उद्योजक सदस्य आहेत. भिडे यांनी १९८९ साली इंडियन इन्स्टिट्यूट ऑफ ब्रिज इंजिनीअर्स या सेतू उभारणाऱ्या अभियंत्यांची संस्था उभारली. माधवराव भिडे यांच्या जाण्याने मराठी उद्योजक पोरका झाल्याची भावना सर्व स्तरांतून व्यक्त होत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
