मुंबई । “शरद पवार हे राहुल गांधी यांना समजून घेण्यात कमी पडले”, असे म्हणत काँग्रेस प्रदेशाध्यक्ष आणि महसुल मंत्री बाळासाहेब थोरात यांनी राष्ट्रवादीचे अध्यक्ष शरद पवार यांच्या टिपण्णीवर प्रतिक्रिया दिली आहे. शरद पवार यांनी एका वृत्तसमूहाला नुकत्याच दिलेल्या मुलाखतीत कॉंग्रेस माजी अध्यक्ष आणि खासदार राहुल गांधी यांच्या नेतृत्व गुणावर टिपण्णी केली होती. राहुल गांधी यांच्यात सातत्याचा अभाव असल्याचे शरद पवार यांनी त्यावेळी म्हटले होते. दरम्यान, त्यानंतर महाराष्ट्र काँग्रेस आक्रमक झाले असून महाविकासआघाडीत शाब्दिक युद्ध पाहायला मिळत आहे. काँग्रेस नेत्या आणि महिला व बालकल्याण मंत्री यशोमती ठाकूर यांच्यानंतर बाळासाहेब थोरात यांनीही या प्रकरणी भाष्य केले आहे.
बाळासाहेब थोरात यावेळी प्रसारमाध्यमांशी बोलताना असे म्हणाले की, “राहुल गांधी आमचे नेते आहेत. पक्षाने त्यांचं नेतृत्व पक्षानं स्विकारलं आहे. त्यांच्या नेतृत्वाखाली राष्ट्रीय पातळीवर काँग्रेस पक्ष संघटीत होत आहे. त्यांच्या वैयक्तिक आयुष्यात त्यांनी पाहिलेले दुःख, त्यांच्यावर झालेले आघात या सगळ्यातून सावरत ते नेतृत्व करतायत. शरद पवार यांचं ज्येष्ठत्व आम्ही मान्य करतो. मात्र, ते राहुल गांधी यांना समजून घेण्यात कमी पडले”, असे बाळासाहेब थोरात यांनी म्हटले आहे. तसेच, “येत्या काळात राहुल गांधीच समर्थपणे पक्षाचं नेतृत्व करतील”, असा विश्वासही थोरात यांनी व्यक्त केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
