पुणे | मुंबई रोडवरील पाटील इस्टेट झोपडपट्टीला आज (२८ नोव्हेंबर) दुपारी भीषण आग लागली आहे. या आगीची माहिती मिळताच अग्निशामक दलाच्या १० गाड्या तातडीने घटनास्थळी रवाना करण्यात आल्या आहेत. अग्निशमन दलाकडून आग विझविण्याचे काम युद्धपातळीवर सुरू आहे. मिळालेल्या माहितीनुसार आतापर्यंत चार झोपड या आगीच्या विळख्यात जळून खाक झाल्या आहेत. या आगीत ६ ते ७ गॅस सिलेंडरचे स्फोट झाल्याने आगीचा आणखी भडका उडाला असून गर्दीमुळे अग्निशामक दलाच्या जवानांना काम करणे अवघड होत आहे.
#Visuals from Maharashtra: Fire has broken out in a slum area at Patil Estate Lane no 3, near Shivajinagar in Pune. 6 fire tenders have been rushed to the spot. More details awaited. pic.twitter.com/6qGprKqZ3R
— ANI (@ANI) November 28, 2018
पाटील इस्टेट झोपडपट्टीतील गल्ली नंबर ३ मधील एका झोपडपट्टीला दुपारी १ वाजताच्या सुमारास आग लागली होती. आग मोठ्या प्रमाणावर पसरण्याचा धोका असून संपूर्ण परिसरात धूराचे मोठ मोठे लोट उठताना दिसत आहेत. नदी काठाला लागून असलेल्या या गल्लीपर्यंत पोहचण्यात अग्निशामक दलाला मोठे शर्थीचे प्रयत्न करावे लागत आहेत़. स्थानिक तरुणांच्या मदतीने आगीवर नियंत्रण मिळविण्यासाठी व ही आग शेजारी झोपड्यांमध्ये पसरु नये, यासाठी अग्निशमन दलाचे प्रयत्न सुरु आहेत.
या आगीच्या ठिकाणी जाण्यासाठी अग्निशामन दलाच्या वाहनांना जागा मिळावी, यासाठी परिसरातील वाहतूक रोखण्यात आली आहे. वाहतूक शाखेचे १५ कर्मचारी तसेच स्थानिक पोलीस ठाण्याचे पोलीस कर्मचारी घटनास्थळी गर्दी रोखण्याचे काम करीत आहेत. सोमवारी मध्यरात्री ३ वाजण्याच्या सुमारास पाटील इस्टेट झोपडपट्टीमधील गल्ली नंबर ५ मधील एका झोपडपट्टीला आग लागली होती. छोट्या गल्ल्यांमुळे अग्निशामक दलाची गाडी आत जाऊ शकत नव्हती. आजही हीच परिस्थिती उद्भवली असून बघ्याच्या गर्दीमुळे अग्निशामक दलाच्या गाड्यांना पुढे जाण्यासाठी जागा मिळणे अवघड होत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
