मुंबई | महाराष्ट्रात सातत्याने वाढणारा कोरोनामुक्तांचा आकडा अत्यंत दिलासादायक आहे. राज्याच्या आरोग्य विभागाकडून आज (२२ ऑक्टोबर) देण्यात आलेल्या आकडेवारीनुसार, राज्यात गेल्या २४ तासांत तब्बल १६ हजार १७७ रुग्ण कोरोनामुक्त झाले आहेत. तर याच एका दिवसात राज्यात ७ हजार ५३९ नव्या कोरोनाबाधितांची नोंद झाली आहे. तर कोरोनामुळे गेल्या २४ तासांत १९८ जणांना आपला जीव गमवावा लागला आहे.
Maharashtra reports 7,539 new #COVID19 cases, 198 deaths and 16,177 discharges in the last 24 hours, as per the state's Public Health Department.
Total cases in the state rise to 16,25,197, including 42,831 deaths and 14,31,856 recovered patients. Active cases stand at 1,50,011. pic.twitter.com/gGv8sW4EEQ
— ANI (@ANI) October 22, 2020
महाराष्ट्रात आतापर्यंत एकूण १६ लाख २५ हजार १९७ कोरोनाबाधितांची नोंद झाली आहे. तर सद्यस्थितीत राज्यात कोरोनाचे १ लाख ५० हजार ११ अॅक्टिव्ह रुग्ण आहेत. दिलासादायक बाब म्हणजे राज्यात आतापर्यंत एकूण १४ लाख ३१ हजार ८५६ रुग्ण कोरोनामुक्त झाले आहेत. तर राज्याचा कोरोना रिकव्हरी रेट ८८.१ टक्के इतका झाला आहे.
राज्यात आतापर्यंत एकूण ८४ लाख २ हजार ५५९ कोरोना टेस्ट करण्यात आल्या असून त्यांपैकी १६ लाख २५ हजार १९७ कोरोना रिपोर्ट्स पॉझिटिव्ह आले आहेत. तर सद्यस्थितीत राज्यात २४ लाख ५९ हजार ४३६ व्यक्ती होम क्वारंटाइन, तर २४ हजार ६२१ व्यक्ती इंस्टिट्युशनल क्वारंटाइनमध्ये आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
