मुंबई – एप्रिल 2014 ते मार्च 2016 या कालावधीत मराठवाडा आणि विदर्भात एकूण 3880 शेतक-यांनी आत्महत्या केली. धक्कादायक म्हणजे यापैकी तब्बल 26 टक्के शेतकरी मराठा समाजाचे होते, अशी खळबळजनक माहिती उघडकीस आली आहे. एकट्या दुष्काळग्रस्त मराठवाड्यात आत्महत्या करणाऱ्या शेतकऱ्यांमध्ये मराठा समाजाचे प्रमाण 53 टक्के आहे. पुण्यातील गोखले इन्स्टिट्यूट ऑफ पॉलिटिक्स अॅण्ड इकॉनॉमिक्स यांनी केलेल्या संशोधनातून ही माहिती निष्पन्न झाली आहे. विदर्भ आणि मराठवाड्यातील एकूण 13 जिल्ह्यांमध्ये जाऊन याबाबत माहिती गोळा करण्यात आली. त्याच्याआधारे ही आकडेवारी मिळाली. स्वयंसेवकांनी आत्महत्याग्रस्त तीन हजार शेतकरी कुटुंबांना भेट दिली. दोन जिल्ह्यांमध्ये करण्यात आलेल्या सर्वेक्षणात मराठा समाज शेतकरी आत्महत्यांमध्ये पहिल्या स्थानावर असल्याचं निदर्शनास आलं आहे. यानंतर अनुक्रमे कुणबी (16 टक्के), दलित (10 टक्के) आणि बंजारा (9 टक्के) समाजातील शेतकरी असल्याची माहिती सरकारी अधिका-याने दिली आहे. आत्महत्या करणा-या शेतक-यांपैकी फक्त पाच टक्के शेतकरी भूमिहीन होते, असेही समोर आले आहे. दरम्यान, मराठवाड्यात जी समस्या मराठा समाजातील शेतक-यांना सतावत आहे, तीच विदर्भात कुणबी समाजाला सतावत आहे. येथे आत्महत्या करणा-यांपैकी 30 टक्के शेतकरी कुणबी समाजाचे असून फक्त दोन टक्के मराठा होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
