मुंबई | आज मराठा क्रांती ठोक मोर्चाची आढावा बैठक घेण्यात आली होती. ‘येत्या नोव्हेंबरपर्यंत मराठा समाजाला आरक्षण दिले गेले नाही. तर १ डिसेंबरपासून पुन्हा मराठा क्रांती मोर्चाला सुरुवात केली जाईल’, असा इशारा या बैठकीत मराठा क्रांती ठोक मोर्चाने दिला आहे.
मराठा समाजाच्या आरक्षणासाठी राज्यभरात अनेक ठिकाणी विक्रमी असे मराठा क्रांती मूक मोर्चे काढले गेले. परंतु तरीही मराठा समाजाला आरक्षण देण्यासाठी सरकारकडून कोणताही ठोस निर्णय घेतला गेला नाही. त्यामुळे जर नोव्हेंबरपर्यंत निर्णय घेतला गेला नाही तर पुन्हा एकदा आंदोलनाचा इशारा मराठा समाजाने दिलेला आहे. मराठा क्रांती ठोक मोर्चाच्या या आढावा बैठकीला आबासाहेब पाटील, रमेश केरे पाटील, संतोष सूर्यराव, महेश राणे हे समन्वयक उपस्थित होते.
गेल्या काही दिवसांपुर्वी मराठा समाजाने आक्रमक पवित्रा घेऊन ठोक मोर्चे काढले होते. यात मराठा आंदोलकांनी आरक्षणासाठी आत्महत्या केल्या आहेत. तर काही ठिकाणी जाळपोळ आणि तोडफोड करण्यात आली. यामुळे महाराष्ट्रात दंगलीचे स्वरुप आले होते. मराठा आंदोलकांनी राजकीय नेत्यांच्या घरी आणि कार्यालया बाहेर देखील ठिय्या आंदोलने देखील केली गेली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
