मुंबई | संपूर्ण देशात 2020 पर्यंत मेडीकल टूरिझम वाढविण्याच्या अनुषंगाने परदेशातील अनेक संस्था सुमारे 500 बिलीयन गुंतवणूक करणार आहेत. महाराष्ट्र हेल्थ अ‍ॅन्ड वेलनेस टूरिझमच्यावतीने आयोजित करण्यात आलेल्या पहिल्या कार्यशाळेत मुंंबई येथे पर्यटनमंत्री जयकुमार रावल यांनी सांगितले की, महाराष्ट्रातील इगतपुरीजवळ शासनाने दोन भव्य असे 100 एकर जागा असलेले प्लॉट निश्‍चित केले असून तेथे मेंडीकल टूरीझम हब उभारण्यात येणार आहे.
या कार्यशाळेसाठी पॅनडोझा सोल्युशन प्रा.लि. यांच्यावतीने हेल्थ अ‍ॅन्ड वेलनेस टूरिझम मेळावा मुंबई येथील ताज हॉटेल येथे घेण्यात आला होता. या कार्यशाळेसाठी वैद्यकीय दंतचिकित्सा, आयुष हॉस्पीटॅलिटी व पर्यटन उद्योगाचे अनेक मान्यवर उपस्थित होते. याप्रसंगी पदमश्री रमाकांत पांडा, गांभीयाचे राजदूत जैन बा जॅग्यु, पॅन्डोझा सोल्यूशन प्रा.लि.चे संचालक डॉ. मालविका खडके, डॉ. अनिल बनकर आणि रेखा चौधरी प्रमुख पाहुण्या म्हणून उपस्थित होत्या. कार्यशाळेच्या उत्तरार्धात राज्याचे स्कील डेव्हलपमेंट अ‍ॅन्ड लेबरचे विद्यमान मंत्री संभाजीराव पाटील यांनी मुख्यमंत्री देवेंद्र फडणवीस यांच्या अध्यक्षतेखाली मेडीकल टूरीझम अर्थात वेद्यकीय पर्यटन हे मोठया प्रभावीपणे काम करत आहेत. ते म्हणाले की, या उद्योग क्षेत्रासाठी लागणारे प्रगतशील तंत्रज्ञान व बुध्दीसाठी मदत पुरवली जाईल. पॅन्डोझा सोल्युशनने या वैद्यकीय पर्यटन क्षेत्रात एक वेगळे पाऊल निर्माण केले असून महाराष्ट्र राज्य हे या उद्योग क्षेत्रातून सर्वसामान्यपणे चांगला फायदेशीर महसूल गोळा करेल.
या कार्यशाळेसाठी रिलांयन्स, हिंदुजा, एशियन हार्ट हॉस्पीटल, कोकिलाबेन, रहेजा, सै फी, संचेती आदी हॉस्पीटलचे तसेच मान्यवर डॉक्टर्स, वैद्यकीय पर्यटन क्षेत्राशी निगडीत फार्मा कंपनी, स्पा, ट्रॅव्हल एजन्सी, इंन्शुरन्स कंपनी, शासकीय प्रतिनिधी, गुंतवणूकदार, हॉटेल व एअरलायन्सचे मान्यवर प्रतिनिधी मोठया संख्येने उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
