नाशिक | नाशिक पोलीस आणि भारतीय हवाई दल यांच्या संयुक्त विद्यामाने ‘प्रयास’च्या माध्यमातून लोकांना वाहतुकीचे नियमाविषयी जनजागृती करण्याचा प्रयत्न केला आहे. या दोन्ही दलातील १२ सायकल स्वार या मोहिमेत सहभागी झाले आहेत. त्यात ६ सायकल स्वार हे नाशिक पोलीस दलातील आहेत, तर ६ सायकल स्वार भारतीय हवाई दलाचे आहेत.

‘प्रयास’मध्ये ‘मी, आरोग्य आणि रस्त्याच्या सुरक्षेसाठी समर्थन करतो’ आणि ‘मी वाहतूक नियमाचे पालन करत आहे, मी बदलत आहे.’ अशा लक्ष्यवेधी वाक्य असलेले पत्रक तयार करण्यात आले आहे. यातून देखली लोकांमध्ये वाहतुकीच्या नियमाचे पालन जनजागृती होईल.

नाशिक शहारातून २२ फेब्रुवारीपासून या सायकल रॅलीची सुरुवात झाली, असून नागपूर आणि पुन्हा नाशिक असा साडेपंधराशे मीटरचा प्रवास करुन हे सायकल स्वार आले आहेत. या सायकल रॅलीच्या माध्यमातून लोकांनी आपल्या आरोग्याची काळजी घेणे. तसेच वाहतुकीचे नियमविषयी तरुन पिढीमध्ये जनजागृती करणे, हा या मागचा उद्देश आहे. या सायकल स्वारांनी प्रवास करताना अनेक शाळा, कॉलेज आणि सरकारी कार्यलयात जावून लोकांना वाहतुकीच्या नियम आणि आरोग्या बदल माहिती देऊन त्यांचे पालन करण्याचे आव्हान केले आहे. या सायकल स्वारांमध्ये वर्धा शहर पोलीस अधिकारी देखील देखील ‘प्रयास’मध्ये सहभागी झाले होते.

तसेच या सायकल स्वारांनी वाहतुकीचे नियम सांगण्यासाठी तयार केलेले लक्ष्यवेधी प्रत्रक या प्रवासात लोकांमध्ये यांचे वाटप केले आहे. ‘प्रयास’ माध्यमातून दोन्ही दलात समन्वयात वाढत तर होणारच आहे, यातून लोकांना चांगला संदेश देण्याचा ‘प्रयास’ या दोन्ही दलाच्या वतीने करण्यात आला आहे.