मुंबई | “कुणीही निंदा, कुणीही वंदा, संपुर्ण महाराष्ट्राचा झालाय वांदा, तरीही गोड गोड बोलणे हाच आमचा धंदा.ओळखा पाहू कोण?,” अशी टीका मनसे नेते संदीप देशपांडे यांनी मुख्यमंत्री उद्धव ठाकरे यांच्यावर आज (१९ मे) ट्वीट करत केली आहे. राज्यात चौथ्या लॉकडाऊन जाहीर केल्यानंतर पहिल्यांदा मुख्यमंत्र्यांनी काल (१८ मे) फेसबुक लाईव्हद्वारे राज्यातील जनतेशी संवाद साधला. मुख्यमंत्र्यांच्या भाषणावरून संदीप देशपांडे यांनी त्यांच्यावर ट्वीट करत टीका केली आहे.
कुणीही निंदा, कुणीही वंदा, संपुर्ण महाराष्ट्राचा झालाय वांदा ,तरीही गोड गोड बोलणे हाच आमचा धंदा.ओळखा पाहू कोण?#गोडबोले
— Sandeep Deshpande (@SandeepDadarMNS) May 19, 2020
“मी टीकेचा धनी होईल, महाराष्ट्राला वाचविण्यासाठी मी वाईटपणा घ्यायला तयार आहे,” अशी भूमिका मुख्यमंत्री उद्धव ठाकरे यांनी घेतली आहे. राज्यात चौथ्या टप्प्याच्या लॉकडाऊनची घोषणा केल्यानंतर मुख्यमंत्री जनतेशी फेसबुक लाईव्हद्वारे आज (१८ मे) संवाद साधला. यावेळी मुख्यमंत्री म्हणाले, “राज्यात १९ हजार ९०० पर्यंत रुग्ण असले तरी ५००० रुग्ण बरे होऊन घरी गेले आहेत. रुग्ण बरे होत आहेत ही चांगली बाब आहे. जर लॉकडाऊन उठवले तर अमेरिका, इटलीसारखी स्थिती होईल. मला महाराष्ट्रात ती परिस्थिती उद्भवू द्यायची नाही. त्यामुळे, मी लॉकडाऊन वाढवल्याचे,” असे त्यांनी राज्यातील जनतेला सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
