मुंबई | महाराष्ट्रात आज (८ ऑगस्ट) एका दिवसांतील कोरोनाबाधित रुग्णांच्या नोंदीने उच्चांक गाठला आहे. राज्यात एकाच दिवसात तब्बल १२ हजारांहून अधिक नव्या कोरोनाबाधितांची नोंद झाली आहे. राज्याचे आरोग्यमंत्री राजेश टोपे यांच्या माहितीनुसार, राज्यात आज १२ हजार ८२२ नव्या रुग्णांची नोंद झाली आहे. त्यामुळे, राज्यातील कोरोनाबाधितांची आतापर्यंतची एकूण संख्या ५ लाख ३ हजार ८४ इतकी झायी आहे. त्यामुळे राज्यातील कोरोनाबाधितांचा आकडा ५ लाखांच्या पार गेला आहे.
राज्यासाठी दिलासादायक बाब अशी कि, या एका दिवसात तब्बल ११ हजार ८१ जण हे कोरोनामुक्त झाले आहेत. त्यामुळे, राज्यात आतापर्यंत कोरोनामुक्त झालेल्यांची एकूण संख्या आता तब्बल ३ लाख ३८ हजार ३६२ इतकी झाली आहे. तर सद्यस्थितीत राज्यातील विविध रुग्णालयांत उपचार घेणाऱ्यांची म्हणजेच ऍक्टिव्ह रुग्णांची एकूण संख्या १ लाख ४७ हजार ४८ इतकी आहे. तर या एकाच दिवसांत राज्यात २७५ जणांचा कोरोनामुळे मृत्यू झाला आहे.
राज्यात आज 12822 कोरोना बाधीत रुग्णांची वाढ झाली व एकूण संख्या आता 503084 अशी झाली आहे. आज नवीन 11081 कोरोना बाधित रुग्ण बरे झाले आहेत. एकूण 338362 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 147048 ऍक्टिव्ह रुग्ण आहेत.#CoronaVirusUpdates #MeechMazaRakshak
— Rajesh Tope (@rajeshtope11) August 8, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
