मुंबई | कोरोनाच्या पार्श्वभूमीवर राज्यातून आज (२१ ऑक्टोबर) एक अत्यंत दिलासादायक बातमी आहे. राज्याचे आरोग्यमंत्री राजेश टोपे यांनी जारी केलेल्या आकडेवारीनुसार, “राज्यात गेल्या २४ तासांत ८ हजार १४२ नव्या कोरोनाबाधितांची नोंद झाली आहे. तर याच एका दिवसात तब्बल २३ हजार ३७१ रुग्ण कोरोनामुक्त झाले आहेत. राज्यात सातत्याने वाढणारा कोरोनाबाधितांचा आकडा पाहता राज्यात कोरोनास्थिती नियंत्रणात येत असल्याचे चित्र आहे.
आरोग्यमंत्री राजेश टोपे यांनी दिलेल्या आकडेवारीनुसार राज्यात आतापर्यंत तब्बल १४ लाख १५ हजार ६७९ रुग्ण बरे होऊन रुग्णालयातून घरी पाठविण्यात आले आहेत. तर सद्यस्थितीत राज्यात एकूण १ लाख ५८ हजार ८५२ ऍक्टिव्ह रुग्ण आहेत. दरम्यान आणखी एक चांगली बाब म्हणजे सातत्याने राज्याचा कोरोना रिकव्हरी रेट वाढत असून सध्या महाराष्ट्रातील रुग्ण बरे होण्याचे प्रमाण ८७.५१% इतके झाले आहे.
राज्यात आज 8142 कोरोना बाधीत रुग्णांची वाढ झाली व आज नवीन 23371 कोरोना बाधित रुग्ण बरे झाले आहेत.एकूण 1415679 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 158852 ऍक्टिव्ह रुग्ण आहेत.राज्यातील रुग्ण बरे होण्याचे प्रमाण आता 87.51% झाले आहे.#CoronaVirusUpdates
— Rajesh Tope (@rajeshtope11) October 21, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
