मुंबई । राज्यात गेल्या २४ तासांत ५ हजार ५३५ नव्या कोरोनाबाधीत रुग्णांची वाढ झाली आहे. तर याच एका दिवसांत नवीन ५ हजार ८६० रुग्ण हे कोरोनामुक्त झाले आहेत. राज्याचे आरोग्यमंत्री राजेश टोपे यांनी आज (१९ नोव्हेंबर) याबाबतची अधिकृत माहिती दिली. दरम्यान, दिलासादायक बाब म्हणजे आतापर्यंत राज्यात तब्बल १६ लाख ३५ हजार ९७१ रुग्ण कोरोनामुक्त झाले आहेत.
राज्यात आज 5535 कोरोना बाधीत रुग्णांची वाढ झाली व आज नवीन 5860 कोरोना बाधित रुग्ण बरे झाले आहेत. एकूण 1635971 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 79738 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 92.79% झाले आहे.#CoronaVirusUpdates
— Rajesh Tope (@rajeshtope11) November 19, 2020
आरोग्य विभागाच्या माहितीनुसार, राज्यात गेल्या २४ तासांत १५४ जणांचा कोरोनामुळे मृत्यू झाला आहे. तर आतापर्यंत राज्यात एकूण ४६ हजार ३५६ रुग्णांचा कोरोनामुळे मृत्यू झाला आहे. दुसरीकडे राज्यात सद्यस्थितीत कोरोनाचे एकूण ७९ हजार ७३८ ऍक्टिव्ह रुग्ण आहेत. तर राज्यातील कोरोनाचे रुग्ण बरे होण्याचे प्रमाण आता 92.79% इतके झाले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
