पंढरपूर | महाराष्ट्रासह संपूर्ण भारत बकरी ईद आज अगदी उत्साहामध्ये साजरी होत आहे. मात्र पंढरपूरमधील आजची ईद विशेष कारणामुळे चर्चेत आहे. पंढरपूर येथील मुस्लीम समाजातील बांधवांनी आज श्रावणी एकदाशी आणि बकरी ईद एकाच दिवशी साजरी होत असल्यामुळे, बकऱ्याची कुर्बानी न देता केवळ नमाज पठण करुन ईद साजरी केली. या आगळ्या वेगळ्या ईद साजरा करण्याच्या निर्णयामुळे पुन्हा एकदा पंढरपूरमधील हिंदू- मुस्लीम एकात्मतेचे दर्शन झाले.
पंढरपूरमध्ये मागील अनेक दशकांपासून हिंदू- मुस्लीम समाज एकोप्याने नांदत आहे आणि आज मुस्लीम समजाने घेतलेले निर्णय हा त्याचीच पोचपावती आहे. याआधीही अशाप्रकारे एकादशी आणि बकरी ईद एकाच दिवशी आली होती, त्यावेळीही मुस्लीम समाजाने कुर्बानी रद्द करत नमाज पठण करुन ईद साजरी केली होती.
आज श्रावणी शुद्ध एकदशी असल्याने तीन लाखांहून अधिक भाविक पंढरपूरमध्ये विठ्ठलाच्या दर्शनासाठी दाखल झाले आहेत. मंदिर परिसराबरोबर चंद्रभागा नदीच्या तिरावर आणि प्रदक्षिणा मार्गावर हजारोच्या संख्येने भाविक आहेत. तर मुस्लिम समजासाठी महत्वाचा समजला जाणारा बकरी ईदचाही सण आहे. विठ्ठलाच्या दर्शनासाठी आलेल्या भक्तांना बकरी ईददरम्यान देण्यात येणाऱ्या कुर्बानीचा त्रास होऊ नये म्हणून मक्का मशिदीचे इमामसाब हाफिज शेख, अध्यक्ष निसरभाई शेख आणि समस्त मुस्लीम बांधवांनी आज कुर्बानीशिवायच बकरी ईद साजरा करण्याचा निर्णय घेतला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
