मुंबई | महाराष्ट्राचे विधिमंडळाचे पावसाळी अधिवेशन अगदी तीन दिवसांवर आले असतानाच विधानसभा अध्यक्ष नाना पटोले यांचा कोरोना रिपोर्ट पॉझिटिव्ह आला आहेत. नाना पटोले यांना कोरोनाची लक्षणे जाणवू लागल्यामुळे कोरोनाची चाचणी करण्यात आली होती.त्यानंतर आपला रिपोर्ट पाॅझिटिव्ह आल्याची माहिती त्यांनी स्वत: ट्विट करून दिली आहे.येत्या ७ आणि ८ सप्टेंबरला विधिमंडळाचे पावसाळी अधिवेशन होणार आहे. मात्र, अध्यक्षांनाच कोरोनाची लागण झाल्यावर आता अधिवेशन कसे होणार हा प्रश्न ऐरणीवर आला आहे.
गेली अनेक दिवस माझ्या मतदारसंघासह संपूर्ण विदर्भात पूरपरिस्थिती आहे आणि त्यासोबतच विविध कामांसंबंधी अनेक दौरे करावे लागले. यादरम्यानच मला कोरोनाची लक्षणे जाणवू लागल्यामुळे मी माझी कोरोना चाचणी करवून घेतली आणि ती चाचणी पॉझिटिव्ह आली. मी सध्या ठणठणीत आहे, आपण काळजी करू नये, /2
— Nana Patole (@NANA_PATOLE) September 4, 2020
नाना पटोले यांच्या अनुपस्थितीत पावसाळी अधिवेशन अध्यक्षांऐवजी चालवले जाणार आहे अशी माहिती मिळत आहे. विधानसभेचे उपाध्यक्ष हे पावसाळी अधिवेशन चालवणार आहेत.विधिमंडळाच्या अधिवेशनाआधी सगळे आमदार, मंत्री, अधिकारी, विधिमंडळातले कर्मचारी यांची कोरोना चाचणी करण्यात येणार आहे. या टेस्टचे रिपोर्ट निगेटिव्ह आले तरच त्यांना अधिवेशनात प्रवेश मिळणार आहे. तसंच विधिमंडळात येण्यासाठी प्रत्येकाला प्रवेशिकेसोबतच आपला कोरोना रिपोर्टही सोबत ठेवावा लागणार आहे.
/2 = गेल्या काही दिवसांमध्ये माझ्या संपर्कात आलेल्या सर्वांनी स्वतःची कोरोना चाचणी करून घ्यावी. मी लवकरच कोरोनावर मात करून आपल्या सर्वांच्या सेवेत दाखल होईन.
— Nana Patole (@NANA_PATOLE) September 4, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
