नारायण राणे फडणवीस आणि दरेकरांसह दिल्लीहून कोकणासाठी रवाना!

रत्नागिरी। कोकणात पूरपरिस्थिती निर्माण होऊन अनेक लोकांना आपले प्राण गमावले आहेत . दर्दी कोसळून कित्येकांची घरं उध्वस्त आहेत. कोकणातले नेते जे आता केंद्रीय मंत्री आहेत ते नारायण राणे आता पूर परिस्थितीची पाहणी करण्यासाठी निघाले आहेत, अशी माहिती त्यांनी आपली ट्विटर अकाउंट वरून दिली आहे. संसदेत केंद्रीय मंत्रिमंडळाचं आदिवेशन सुरु आहे.

ट्विटर वरून माहिती

नारायण राणे हे दिल्लीहून कोकणात रवाना झाल्याची माहिती त्यांनी आपल्या ट्विटर अकाउंट द्वारे सांगितलं आहे. ‘माननीय पंतप्रधान नरेंद्र मोदीजी यांच्या संमतीने मी, देवेंद्र फडणवीस आणि प्रविण दरेकर यांच्‍यासह रायगड जिल्ह्यातील तळये, रत्नागिरीतील चिपळूण येथील दुर्घटनाग्रस्त परिसराची पाहणी करण्यासाठी रवाना होत आहोत’, असं ट्विट त्यांनी केलं आहे.

माननीय पंतप्रधान नरेंद्र मोदीजी यांच्या संमतीने मी, देवेंद्र फडणवीस आणि प्रविण दरेकर यांच्‍यासह रायगड जिल्ह्यातील तळये, रत्नागिरीतील चिपळूण येथील दुर्घटनाग्रस्त परिसराची पाहणी करण्यासाठी रवाना होत आहोत.@PMOIndia

— Narayan Rane (@MeNarayanRane) July 25, 2021

Started from Mumbai to visit flood affected areas of Konkan with Union Minister @MeNarayanRane ji & LoP @mipravindarekar by IAF helicopter.#MaharashtraFloods #MaharashtraRains #KonkanFloods pic.twitter.com/VmhzOgF1zG

— Devendra Fadnavis (@Dev_Fadnavis) July 25, 2021

मुख्यमंत्र्यांकडून पाहणी

चिपळूण आणि महाड मधल्या पुराचा आढावा मुख्यमंत्री उद्धव ठाकरेंनी घेतला आहे. महाड मधील पूरग्रस्तांच्या बचावकार्याला बचाव पथके आणि हेलिकॉप्टरच्या सहाय्याने सुरुवात झालेली आहे. मात्र अडकलेल्या लोकांनी घराच्या छतावर किंवा उंचावर गेल्यास हेलिकॉप्टरमधील बचाव पथकाला ते दिसतील असे आवाहन प्रशासनाने केले असल्याची माहितीही जिल्हाधिकारी यांनी दिली. बचाव कार्य व रस्त्यावरील अडथळे काढणे लगेच सुरु करावे अशा सूचना मुख्यमंत्र्यांनी दिल्या आहेत. पाणी ओसरलं आहे. पण महाड तालुक्यातील डोंगराळ भागात काही ठिकाणी पूल आणि रस्ते वाहून गेले असून बचाव पथकांच्या सहाय्याने नागरिकांना संपर्क करून सुरक्षित स्थळी हलवण्यात यावे, असे निर्देश मुख्यमंत्र्यांनी दिले आहेत.

पूरग्रस्तांना मदत

पुरात अडकलेल्या लोकांना अण्णा, पाणी काहीच उपलब्ध नसल्याने अनेक संस्था आता पुढे येऊन मदत करत आहेत. माणगाव येथे सुमारे २००० फुड पॉकेट्स तयार आहेत. अजून २००० अन्नाची पाकिटे तयार होतील. याबाबत तहसीलदार माणगाव ही पाकिटे गरजू लोकांना वितरणाचे नियोजन करीत आहेत. माणगाव तहसील कार्यालयातून महाडकडे एसटी बसने खाण्यापिण्याचे साहित्य रवाना झाले आहे. स्वयंसेवी संस्थांनी देखील यासंदर्भात महाड येथे प्रशासनाच्या संपर्कात राहावे व कपडे, अन्न याची मदत पोहचवावी, असे आवाहन केल्याचेही जिल्हाधिकारी चौधरी यांनी सांगितलं आहे.