नवी दिल्ली | आरोग्य मंत्रालयाच्या आकडेवारीनुसार, भारतात मंगळवारपर्यंत १०७ कोटीहून अधिक कोरोना प्रतिबंधक लसीचे डोस देण्यात आले आहेत. दरम्यान, पंतप्रधान नरेंद्र मोदी यांनी विदेश दौऱ्यावरुन आल्यानंतर आज (बुधवार) लसीकरणाचा आढावा घेतला. पंतप्रधान मोदींनी यामध्ये ४० जिल्ह्यांच्या जिल्हाधिकाऱ्यांशी व्हिडिओ कॉन्फरन्सिंगद्वारे संवाद साधला. मुख्यमंत्री उद्धव ठाकरे देखील या आढावा बैठकीत उपस्थित होते.आतापर्यंत लसीकरणात झालेली प्रगती ही तुमच्या मेहनतीमुळे आहे. प्रशासनातील प्रत्येक सदस्य, आशा कार्यकर्त्यांनी खूप मेहनत घेतली. त्यांनी मैल पायी चालत दुर्गम ठिकाणी लसीकरण केले.
लसीचे दोन्ही डोस वेळेवर घेणे खूप महत्वाचे
पण १०० कोटी डोस झाले असले, तरी जर आपण हलगर्जीपणा केला, तर एक नवीन संकट येऊ शकते, असा इशारा पंतप्रधान नरेंद्र मोदी यांनी अधिकाऱ्यांना दिला.नरेंद्र मोदी पुढे म्हणाले, लसीकरणात हलगर्जीपणा केल्यामुळे अनेक विकसित देशात कोरोनाचे संकट पुन्हा आले आहे. आपण हे मुळीच स्विकारु शकत नाही. आपण हे सहन करू शकणार नसल्यामुळे लसीचे दोन्ही डोस वेळेवर घेणे खूप महत्वाचे आहेत. पंतप्रधान नरेंद्र मोदी म्हणाले की, १०० वर्षांतील या सर्वात मोठ्या महामारीमध्ये देशाने अनेक आव्हानांचा सामना केला आहे. देशाच्या कोरोनाविरुद्धच्या लढ्यात एक खास गोष्ट म्हणजे आपण नवीन उपाय शोधले, नवनवीन मार्गांचा उपयोग केला.
तुम्ही स्थानिक धर्मगुरूंची धेखील मदत घेऊ शकता
तुमच्या जिल्ह्यांमध्ये लसीकरण वाढवण्यासाठी तुम्हाला नवीन नाविन्यपूर्ण मार्गांवर अधिक काम करावे लागेल. तुम्हाला तुमच्या जिल्ह्यातील प्रत्येक गाव, प्रत्येक शहरासाठी वेगळी रणनीती बनवायची असेल, तर तीही बनवा. तुम्ही प्रदेशानुसार २०-२५ लोकांची टीम तयार करून देखील हे करू शकता.पंतप्रधान पुढे म्हणाले की, अफवा आणि गोंधळ हे एक आव्हान लोकांमध्ये आहे. यासाठी एक मोठा उपाय म्हणजे लोकांना अधिकाधिक जागरूक करणे. यामध्ये तुम्ही स्थानिक धर्मगुरूंची धेखील मदत घेऊ शकता. काही दिवसांपूर्वी मी पोप फ्रान्सिस यांचीही भेट घेतली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
