मुंबई | राष्ट्रवादी काँग्रेसचे अध्यक्ष शरद पवार यांच्या हत्येचा कट रचल्याची तक्रार पुण्यातील सायबर पोलीस ठाण्यात दाखल करण्यात आली आहे. गोपनीय तातडीची तक्रार म्हणून राष्ट्रवादी काँग्रेसचे कार्यकर्ते लक्ष्मीकांत मोहनलाल खाबिया यांनी आज (८ फेब्रुवारी) तक्रार पुण्यात दाखल केली आहे. ही तक्रार खाबिया हे पुण्यातील शिवाजी नगर भागातील रहिवासी आहेत. दरम्यान, पुणे सायबर पोलीस विभागाने त्यांच्या तक्रारीची नोंद करुन घेतली आहे.
काही वेबपोर्टलवरुन शरद पवार यांच्याविरोधात चिथावणीखोर भाषणांचे व्हिडीओ टाकले जात आहेत. त्याखाली शरद पवार यांच्याविरोधात टोकाच्या कमेंट केल्या जात आहेत. या कमेंटवरुन शरद पवार यांच्या हत्येचा कट रचला जात असल्याचा आरोप लक्ष्मीकांत खांबिया यांनी केला आहे.
पत्रकार भाऊ तोरसेकर आणि घनश्याम पाटील यांनी युट्युब चॅनेलवर कमेंट करणाऱ्यांविरोधात लक्ष्मीकांत खाबिया यांनी ही तक्रार दाखल केली आहे. सोशल मीडियात सातत्यानेच शरद पवार यांच्यावर जोरदार टीका होत असते. यात चिथावणीखोर भाषाही वापरली जाते. याची दखल घेऊन तातडीने अशा कमेंट करणाऱ्यांवर कठोर कारवाई करावी, अशी मागणी लक्ष्मीकांत खांबिया यांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
