राज्याने कुशल प्रशासक, संवेदनशील साहित्यिक गमावला – अजित पवार

मुंबई | सेवानिवृत्त आयएएस अधिकारी, राज्याच्या पहिल्या महिला निवडणुक आयुक्त, ज्येष्ठ साहित्यिक श्रीमती नीला सत्यनारायण यांच्या निधनाची बातमी ऐकून धक्का बसला. प्रशासकीय सेवा आणि साहित्य क्षेत्रात येऊ इच्छिणाऱ्या युवकांसाठी त्या मार्गदर्शक, प्रेरणास्त्रोत होत्या. त्यांच्या निधनाने आपण एका कुशल प्रशासकाला, संवेदनशील साहित्यिकाला मुकलो आहोत, अशा शब्दात उपमुख्यमंत्री अजित पवार यांनी त्यांना श्रद्धांजली वाहिली.

उपमुख्यमंत्री आपल्या शोकसंदेशात म्हणतात की, भारतीय प्रशासकीय सेवेतील कर्तव्यतत्पर अधिकारी म्हणून त्यांनी प्रदीर्घ काळ राज्याची सेवा केली. राज्याच्या पहिल्या महिला निवडणुक आयुक्त म्हणूनही त्यांनी उत्कृष्ट कामगिरी बजावली. वरिष्ठ प्रशासकीय अधिकारीपदाची जबाबदारी पार पाडत असताना साहित्यक्षेत्रातही त्यांनी स्वत:चं वेगळं स्थान निर्माण केलं होतं. त्यांच्या निधनानं एक कुशल प्रशासक, उत्तम साहित्यिक, संवेदनशील व्यक्तिमत्वं आपण गमावलं आहे. त्यांच्या निधनाच्या धक्क्यातून सावरण्याचं बळ त्यांच्या कुटुंबियांना मिळो, अशी प्रार्थनाही उपमुख्यमंत्र्यांनी केली आहे.

राज्याचे मुख्यमंत्री उद्धव ठाकरे यांनीही ट्विट करत नीला सत्यनारायण यांना श्रद्धांजली वाहिली.

राज्याच्या पहिल्या महिला निवडणूक आयुक्त,भारतीय प्रशासकीय सेवेतील निवृत्त अधिकारी नीला सत्यनारायण यांच्या निधनाबद्दल मुख्यमंत्री उद्धव बाळासाहेब ठाकरे यांनी शोक व्यक्त केला आहे.मुंबईत मराठी कुटुंबात जन्मलेल्या नीला सत्यनारायण अनेक युवकांसमोर प्रशासकीय सेवेविषयी प्रेरणास्थान होत्या

— CMO Maharashtra (@CMOMaharashtra) July 16, 2020

तसेच, राष्ट्रवादी काँग्रेसचे नेते जयंत पाटील यांनाही श्रद्धांजली वाहिली आहे.

महाराष्ट्राच्या पहिल्या महिला निवडणूक आयुक्त नीला सत्यनारायण यांचं कोरोनामुळे निधन झाल्याची दुःखद बातमी समजली. वरिष्ठ सनदी अधिकारी म्हणून त्यांनी देशाची सेवा केलीच मात्र आपल्या साहित्याच्या माध्यमातून समाजाला दिशा दाखवण्याचे कामही केले. भावपूर्ण श्रद्धांजली 💐#neelasatyanarayan pic.twitter.com/nr47aTGr8k

— Jayant Patil- जयंत पाटील (@Jayant_R_Patil) July 16, 2020