मुंबई | मनसुख हिरेन हत्येप्रकरणी सहाय्यक पोलिस निरीक्षक सचिन वाझे सध्या अडचणीत सापडले आहेत. तसेच, राज्यातील राजकारण चांगलेच तापले आहे. भाजपने या मुद्यावरुन सरकारला चांगलेच कोंडीत पकडले आहे. यावरुनच भाजप नेते निलेश राणे यांनीही मुख्यमंत्र्यांवर सडकून टीका केली आहे.सहाय्यक पोलीस निरीक्षक सचिन वाझे हे लादेन आहे का? असा सवाल करणारे मुख्यमंत्री उद्धव ठाकरे कुठे आहे? असा सवाल करतानाच मुख्यमंत्रीच जर अशा अधिकाऱ्यांची बाजू घेत असतील तर त्यांना पदावर राहण्याचा अधिकार नाही. त्यांनी पदाचा राजीनामा दिला पाहिजे, अशी मागणी भाजपचे माजी खासदार निलेश राणे यांनी केली आहे.
निलेश राणे यांनी एकापाठोपाठ तीन ट्विट करून वाझे प्रकरणावरून मुख्यमंत्री उद्धव ठाकरेंवर हल्लाबोल केला आहे. वाझे लादेन आहे का म्हणणारे मुख्यमंत्री कुठे आहेत? आतंकवाद्यांच्या वस्तू घेऊन जर पोलीस अधिकारी लोकांना ठार मारायला लागले आणि मुख्यमंत्री त्यांची बाजू घ्यायला लागले तर अशा मुख्यमंत्र्यांना पदावर राहण्याचा अधिकार नाही. त्यांनी पदाचा राजीनामा दिला पाहिजे, अशी मागणी निलेश राणे यांनी केली आहे.
वाझे लादेन आहे का म्हणणारे मुख्यमंत्री कुठे आहेत??? आतंगवाद्यांच्या वस्तू घेऊन जर पोलीस अधिकारी लोकांना ठार मारायला लागले आणि मुख्यमंत्री त्यांची बाजू घ्यायला लागले तर अशा मुख्यमंत्र्याला त्या पदावर राहण्याचा अधिकार नाही, त्यांनी राजीनामा द्यावा.
— Nilesh N Rane (@meNeeleshNRane) March 14, 2021
शिवसेनेला मुकेश अंबानींकडून पैसे काढायचे होते, असं सचिन वाझेंनी म्हटल्याचा मीडिया रिपोर्ट आहे. याचा अर्थ शिवसेना या क्राईममध्ये एक पार्टी आहे. राज्याचा मुख्यमंत्री शिवसेनेचा आहे. त्यामुळे याबाबतचं सर्व सत्य बाहेर पडणार नाही म्हणून महाराष्ट्रात ताबडतोब राष्ट्रपती राजवट लागू करावी, अशी मागणी राणे यांनी केली आहे.
२५ फेब्रुवारीला अंबानींच्या घराबाहेर जिलेटीनने भरलेली गाडी सापडली. ५ मार्चला मनसुख हिरेनची बॉडी सापडली. ६ मार्चला तपास ATS कडे देण्यात आला. पण २ मार्चलाच वाझेंच्या घराजवळचे सर्व CCTV गायब झाले. हेच सुशांतसिंह राजपूत आणि दिशा सालियानच्या केसमध्ये घडलं. पण तिथे आरोपी मोठ्या बापाचा मुलगा आहे म्हणून आजपर्यंत वाचला, असा दावाही त्यांनी केला आहे.
मीडिया रिपोर्टनुसार सचिन वाजे यांनी शिवसेनेला मुकेश अंबानी कढून पैसे काढायचे होते असे स्पष्ट केलं. याचा अर्थ कि शिवसेना ह्या क्राईम मध्ये एक पार्टी आहे. राज्याचा मुख्यमंत्री शिवसेनेचा आहे तिथे सर्व सत्य बाहेर पडणार नाही म्हणून ताबडतोब राष्ट्रपती राजवट महाराष्ट्रामध्ये लागू करावी.
— Nilesh N Rane (@meNeeleshNRane) March 14, 2021
२५ फेब्रवारी- अंबानींच्या घरा बाहेर जिलेटीनने भरलेली गाडी सापडली.
५ मार्चला- मनसूक हिरेनची बॉडी सापडली.
६ मार्चला- तपास ATS कडे.
पण २ मार्चलाच वाझेच्या घरा कडचे CCTV गायब.
हेच SSR आणि दिशा सालियानच्या केस मध्ये घडलं पण तिथे आरोपी मोठ्या बापाचा मुलगा आहे म्हणून आजपर्यंत वाचला.— Nilesh N Rane (@meNeeleshNRane) March 15, 2021
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
