मुंबई | कधीही न झोपणारे शहर म्हणून ओळख असणाऱ्या मुंबईत अधिकृतरित्या नाईट लाईफ असावी असा प्रस्ताव पर्यावरण मंत्री आदित्य ठाकरे यांनी मांडला. या प्रस्तावाला मंजुरी मिळेल नाही मिळेल या वादात असताना या नाइटलाइफवरून भाजप नेते निलेश राणे यांनी शिवसेनेवर सोशल माध्यमांच्या द्वारे निशाणा साधला आहे. ‘हिंमत असेल तर मंत्रालय २४ तास चालू ठेवून दाखवा’, असा टोला लगावत निलेश राणेंनी ट्विट केले आहे.
किती टक्के लोकांना नाईटलाईफचा उपयोग होणार??? हिम्मत असेल तर मंत्रालय २४ तास चालू ठेव. ती महाराष्ट्राची खरी गरज आहे. https://t.co/VolzRpxNqM
— Nilesh N Rane (@meNeeleshNRane) January 21, 2020
आदित्य ठाकरेंनी मांडलेला हा प्रस्ताव येत्या २६ जानेवारीपासून प्रायोगिक तत्त्वावर हा प्रस्ताव राबविण्यात येणार असल्याचे म्हटले जात होते. नरिमन पॉइंट, काळा घोडा, वांद्रे-कुर्ला संकुल अशा अनिवासी क्षेत्रातून याची सुरुवात होईल. या भागातील मॉल, दुकाने, हॉटेल्स २४ तास खुली ठेवण्याची परवानगी देण्यात आली आहे. मात्र भाजपकडून नाइटलाइफला विरोध होत आहे. निलेश राणे यांनी नाइटलाइफवरून शिवसेनेवर टीका केली आहे. शिवसेना आणि आदित्य ठाकरे आग्रही असलेल्या नाइटलाइफचा किती लोकांना उपयोग होणार आहे ? असा सवालही निलेश राणेंनी उपस्थित केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
