‘त्या’ व्हिडीओवर महाराष्ट्र भाजपने दिले स्पष्टीकरण

मुंबई | दिल्ली विधानसभा निवडणुकीची रणधुमाळीला सुरुवात झाली आहे. या पार्श्वभूमीवर पोलिटिकल कीडा या ट्विटर हँडलवरुन ‘तानाजी द अनसंग वॉरियर’ या हिंदी सिनेमातील दृष्यांना मॉर्फिंग करून छत्रपती शिवाजी महाराजांच्या चेहऱ्यावर पंतप्रधान नरेंद्र मोदी तर तानाजी मालुसरे यांच्या चेहऱ्यावर केंद्रीय गृहमंत्री अमित शहा यांचा चेहरा लावण्यात आला आहे. तसेच उदयभान राठोडची भूमिका साकारणाऱ्या सैफ अली खानच्या जागी दिल्लीचे मुख्यमंत्री अरविंद केजरीवाल यांचा चेहरा लावण्यात आला आहे. हा व्हिडीओ सध्या सोशल मीडियावर प्रचंड व्हायरल होत आहे. यावरून छत्रपती शिवाजी महाराजांचा अपमान सहन करणार नाही असा इशारा शिवसेना खासदार संजय राऊत यांनी आज (२१ जानेवारी) पत्रकार परिषदेत दिला आहे. या व्हिडिओवर अनेकांनी अक्षेापार्ह घेतल्यानंतर पोलिटिकल कीडाने तो व्हिडीओ डिलिट केला आहे.

पॉलिटिकल कीडा या कुठल्याशा ट्विटर अकाऊंटवरून पोस्ट झालेल्या व्हीडिओचा भाजपाशी कुठलाही संबंध नाही.
तो भाजपाचा अधिकृत व्हीडिओ नाही. तो कुठेही प्रचारात वापरलेला नाही. छत्रपती शिवाजी महाराज यांच्याशी कुणाचीही तुलना करण्याचे भाजपा कधीही समर्थन करणार नाही. pic.twitter.com/Eagro0J7qz

— भाजपा महाराष्ट्र (@BJP4Maharashtra) January 21, 2020

दरम्यान, या प्रकरणावर भाजप महाराष्ट्राने स्पष्टीकरण देत ट्विट केले आहे आहे. भाजप महाराष्ट्राच्या ट्विटमध्ये म्हटले की, “पॉलिटिकल कीडा या कुठल्याशा ट्विटर अकाऊंटवरून पोस्ट झालेल्या व्हीडिओचा भाजपाशी कुठलाही संबंध नाही. तो भाजपाचा अधिकृत व्हीडिओ नाही. तो कुठेही प्रचारात वापरलेला नाही. छत्रपती शिवाजी महाराज यांच्याशी कुणाचीही तुलना करण्याचे भाजपा कधीही समर्थन करणार नाही.” “पुस्तक झाले आता व्हिडीओ आला. अशोभनीय, असहनिय तसेच निंदनीय.संबंधित पक्षाने यावर आपली भूमिका स्पष्ट करावी. केंद्र सरकारने चौकशी करून दोषींवर तात्काळ कारवाई करावी,” असे ट्वीट कर खासदार संभाजी राजे यांनी भाजपला घराचा आहेर दिला आहे.

पुस्तक झालं आता व्हिडीओ आला. अशोभनीय, असहनिय तसेच निंदनीय.संबंधित पक्षाने यावर आपली भूमिका स्पष्ट करावी. केंद्र सरकारने चौकशी करून दोषींवर तात्काळ कारवाई करावी.

— Sambhaji Chhatrapati (@YuvrajSambhaji) January 21, 2020