मुंबई | संपूर्ण देशाता कोरोनाने धुमाकुळ घातला आहे. कोरोनाच्या वाढत्या संसर्गाने दिवसेंदिवस भीती अधिक वाढत चालली आहे. परंतू कोरोनाच्या या संकटसमयी सरकारसोबत उद्योजक, कलाकार, खेळाडू यांच्यासह सामान्य नागरिक, पोलिस प्रशासन आणि सर्व अत्यावश्यक सेवापुरवणारे लोकं खंबीरपणे उभी आहेत. अनेकांनी अर्थिक मदत केली त्यात दिवसरात्र आपल्या रक्षणासाठी उभे असलेल्या पोलिसांनीही मदत केली आहे.
महाराष्ट्र पोलिस खात्यातील एका हेडकॉन्स्टेबलने आपल्या परीने मदत करुन सर्वांचे लक्ष वेधून घेतले आहे. मुंबईतील डोंगरी येथे कार्यरत असलेले हेडकॉन्स्टेबल श्रीदर्शन बापूसाहेब डांगरे यांनी कोरोनाविषाणू विरोधात लढण्यासाठी खारीचा वाटा म्हणून आपल्या बचतीतून मुख्यमंत्री निधीला १० हजारांची मदत केली आहे. डांगरे यांनी मदतीचा धनादेश गृहमंत्री अनिल देशमुख यांच्या हाती सोपवला आहे. हेडकॉन्स्टेबल डांगरे यांच्या या कार्याचे कौतुक मुख्यमंत्री उद्धव ठाकरे आणि गृहमंत्री अनिल देशमुख यांनी केले आहे. तसेच, अनिल देशमुख यांनी कॉन्सटेबलचे महाराष्ट्राच्या जनतेतर्फे त्यांचे कौतुक आणि आभार व्यक्त करणारे ट्विटही केले आहे.
जगभर पसरलेल्या #CoronaPandemic मुळे लोकांचे होणारे हाल बघून डोंग्री, येथील हेड कॉन्स्टेबल श्रीदर्शन बापूसाहेब डांगरे यांनी @OfficeofUT यांच्या मुख्यमंत्री निधीला ₹१०,००० योगदान केले. गृहमंत्री म्हणून मी महाराष्ट्राच्या जनते तर्फे त्यांचं कौतुक केलं व आभार मानले.#WarOnCorona pic.twitter.com/J9fvt6ISfI
— ANIL DESHMUKH (@AnilDeshmukhNCP) April 1, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
