Connect with us

महाराष्ट्र

चंद्रपूरमध्ये नाकाबंदी दरम्यान पोलिसांना शस्त्र बाळगण्याचे निर्देश

Gauri Tilekar

Published

on

चंद्रपूर | चंद्रपूरचे पोलीस अधिक्षक डॉ. महेश्वर रेड्डी यांनी काल (बुधवार) पोलीस यंत्रणेला त्यांच्या सुरक्षेसंदर्भात काही निर्देश दिले आहेत. “चंद्रपूर जिल्हा शांत असल्याने पोलीस नाकाबंदीच्या वेळी शस्त्र बाळगत नव्हते. परंतु आता चंद्रपुरात नाकाबंदी दरम्यान पोलिसांनी शस्त्र बाळगावे. त्याचप्रमाणे जर कुणी त्यांच्यावर प्राणघातक हल्ला केला तर स्वतःच्या रक्षणासाठी ते त्या शस्त्राचा वापर करू शकतात”, असे निर्देश रेड्डी यांनी दिले आहेत. पोलीस अधिक्षक डॉ. महेश्वर रेड्डी हे पोलीस निरीक्षक छत्रपती किसनराव चिडे यांच्या अंत्यसंस्कारावेळी उपस्थित होते. त्यावेळी माध्यमांशी बोलताना त्यांनी या निर्देशांची माहिती दिली आहे.

पोलीस निरीक्षक छत्रपती किसनराव चिडे हे अवैध दारूची वाहतूक करणाऱ्या वाहनाचा (स्कॉर्पिओ) पाठलाग करत असताना त्याच वाहनाने त्यांना चिरडल्याची अत्यंत धक्कादायक घटना घडली आहे. चंद्रपूर जिल्ह्यात मंगळवारी (६ नोव्हेंबरला) सकाळी ही घटना घडली आहे. छत्रपती किसनराव चिडे यांची एक कर्तव्यदक्ष पोलीस अधिकारी म्हणून ओळख होती.दारूची वाहतूक करणारे वाहन रस्त्यावर थांबलेले असताना गाडीतून पाठलाग करणारे पोलिस गाडीतून खाली उतरून त्या गाडीच्या दिशेने चालू लागले. तितक्यातच दारूची वाहतूक करणाऱ्या गाडीने रिव्हर्स घेवून पोलिसांच्या अंगावर घातली. दुर्दैवाने छत्रपती चिडे या गाडीखाली चिरडले गेले.

महाराष्ट्र

वर्धा येथील लष्करी तळावर भीषण स्फोट, ६ जणांचा मृत्यू

News Desk

Published

on

वर्धा | पुलगावतील लष्करी तळावर आज (२० नोव्हेंबर)ला भीषण स्फोट झाला आहे. जुनी स्फोटके निकामी करताना हा स्फोट झाल्याची माहिती मिळाली आहे. देवळी तालुक्यातील सोनगावबाई गावाजवळ पहाटे ५.३० वाजताच्या सुमारास बॉम्ब निकामी करण्यासाठी घेऊन गेले होते. परंतु हा बॉम्ब निकामी करताना पेटी हातातून पडल्यामुळे हा स्फोट झाल्याची माहिती मिळाली आहे.

या स्फोटात सहा जणांचा मृत्यू झाला असून ११ जण जखमी झाले आहेत. या स्फोटात मृताचा आकडा वाढण्याची शक्यता वर्तविण्यात येत आहे.

जखमींवर सावंगी रुग्णालयात रुपचार सुरू आहेत. जबलपूर येथील दारुगोळा भांडारातील माल या ठिकाणी निकामी करण्यासाठी आणले होते. हा स्फोट निष्काळजीपणामुळे घडल्याची शक्यता वर्तवली जात आहे. या परिसरातील १५ किमीपर्यंत हादरे जाणवले आहेत. दुर्घटना घडल्यानंतर काही काळातच या ठिकाणचा दारूगोळा दुसर्‍या ठिकाणी हलवण्यात आल्यामुळे मोठा अनर्थ टळला आहे.

 

Continue Reading

महाराष्ट्र

हायकोर्टात बुधवारी होणार मराठा आरक्षणावर सुनावणी

News Desk

Published

on

मुंबई | मराठा आरक्षणासंदर्भात बुधवारी मुंबई हायकोर्टात सुनावणी होणार आहे. याचिकाकर्त्यांकडून राज्य मागास प्रवर्ग आयोगाचा अहवाल हायकोर्टासमोर सादर करण्याची मागणी करण्यात आली आहे.  अनेक दिवसात प्रलंबित असलेला मराठा आरक्षणाचा प्रश्न लवकर निकाली काढावा, यासाठी विनोद पाटील यांनी हायकोर्टात याचिका दाखल केली होती. या याचिकेवरच बुधवारी सुनावणी होणार आहे.

मराठा समाजाला सामाजिक, आर्थिक मागास प्रवर्ग (एसइबीसी) म्हणून स्वतंत्रपणे आरक्षण देण्याचा निर्णय राज्य मंत्रिमंडळाच्या रविवारच्या(18 नोव्हेंबर) बैठकीत घेण्यात आला. मुख्यमंत्री देवेंद्र फडणवीस यांनी याबाबतची घोषणा पत्रकार परिषदेत केली. मराठा समाजाला नेमके कसे आरक्षण देणार, ओबीसींतर्गतच आरक्षण देणार का, या व अशा शंकाकुशंका दूर करीत मुख्यमंत्र्यांनी स्पष्ट केले की, कुणाच्याही आरक्षणाला धक्का न लावता मराठा समाजाला स्वतंत्रपणे आरक्षण दिले जाईल. मराठा समाजाच्या आरक्षणासंदर्भात राज्य मागास वर्ग आयोगाने दिलेला अहवाल मंत्रिमंडळाने स्वीकारला आहे.

Continue Reading

HW Marathi Facebook

November 2018
M T W T F S S
« Oct    
 1234
567891011
12131415161718
19202122232425
2627282930  

महत्वाच्या बातम्या