मुंबई- रेल्वे प्रवाशांना अवघ्या तीन सेकंदाच तिकीट आरक्षित करण्याची सोय रेल्वे विभागाने उपलब्ध करून दिली आहे. विशेष म्हणजे यासाठी तुम्ही बुकींग झाल्यानंतर रक्कम अदा करू शकता.‘डिजिटल पेमेंट’ला प्रोत्साहन देण्यासाठी रेल्वेनं हे पाऊल उचलले आहे. ‘बुक नाऊ पे लेटर’ असे या योजनेचे नाव आहे.
क्रेडिट कार्ड, नेटबँकिंग आदी पारंपरिक पर्यायांच्या तुलनेत तिकीट आरक्षित करण्याची प्रक्रिया अधिक सोपी करण्यासाठी रेल्वे मंत्रालयाने पुढाकार घेतला आहे. यापूर्वी रेल्वेचं तिकीट आरक्षित करताना पॅन किंवा आधार कार्ड क्रमांकासह सर्व माहिती भरावी लागत होती. त्यासाठी वारंवार साईन-अप करावं लागत होतं. पण रेल्वेनं सुरु केलेल्या या नवीन सुविधेमुळं तिकीट आरक्षित करण्यासाठी आता वारंवार साईन-अप करण्याची गरज भासणार नाही,असं रेल्वे राज्य मंत्र्यांनी सांगितलं. आयआरसीटीसीच्या वेबसाइटवर या सुविधेचा पर्याय देण्यात आला आहे. त्यावर नियम आणि अटींबाबत सविस्तर माहिती देण्यात आली आहे. तिकीट आरक्षित केल्यानंतर प्रवाशांना १४ दिवसांच्या आत त्याचे पैसे ऑनलाईन पद्धतीनं भरता येणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
