“बाबासाहेब पुरंदरेंच्या निधनाने इतिहास आणि संस्कृती विश्वात मोठी पोकळी” – नरेंद्र मोदी

मुंबई | शिवशाहीर बाबासाहेब पुरंदरे यांचे आज पुण्यात निधन झाले. बाबासाहेब यांनी आज (१५ नोव्हेंबर) पहाटे ५ वाजून ७ मिनिटनं त्यांनी अखेरचा श्वास घेतला. बाबासाहेब यांच्यावर दीनानाथ मंगशेकर रुग्णालयात त्यांच्यावर उपचार सुरू होते. बाबासाहेबांच्या निधनानंतर पंतप्रधान नरेंद्र मोदी यांनी ट्वीट करत श्रद्धांजली वाहिली. मोदींनी ट्वीटमध्ये बाबासाहेबांच्या भेदीचा फोटो ट्विट केले आहे.

मला शब्दातीत दुःख झाले आहे.बाबासाहेब पुरंदरे यांच्या निधनाने इतिहास आणि संस्कृतीच्या विश्वात कधीही भरून न निघणारी पोकळी निर्माण झाली आहे. येणाऱ्या पिढ्यांना छत्रपती शिवाजी महाराज यांच्या कार्याशी जोडल्याबद्दल त्यांचे आपण सदैव ऋणी राहू.त्यांनी केलेले इतर कार्य ही स्मरणात राहील pic.twitter.com/B6GeqH1Shk

— Narendra Modi (@narendramodi) November 15, 2021

मोदी ट्वीटमध्ये म्हटलं, “शब्दांमध्ये मांडता येणार नाही असं दु:ख मला झालं आहे. बाबासाहेब पुरंदरेच्या निधनामुळे इतिहास आणि संस्कृतिक क्षेत्रामध्ये कधीही न भरुन येणारी पोकळी निर्माण झालीय. त्यांच्या प्रयत्नांमुळेच भविष्यातील पुढ्या छत्रपती शिवाजी महारांजांशी जोडलेल्या राहतील. त्यांनी केलेलं इतर कामही कायमच स्मरणात राहील,” असं म्हटलं आहे.

राज्याचं मुख्यमंत्री उद्धव ठाकरे यांनी देखील ट्वीट करत श्रद्धांजली वाहिली आहे. “शिवचिंतनात रमलेला असा शिवआराधक शोधून सापडणार नाही. या अलौकिक शिवसाधकाने शिवरायांच्या स्तुतीसाठीच प्रयाण केले असावे, अशा शब्दांत मुख्यमंत्री उद्धव बाळासाहेब ठाकरे यांनी शिवशाहीर पद्मविभूषण, महाराष्ट्र भूषण बाबासाहेब पुरंदरे यांच्या निधनावर तीव्र शोक व्यक्त करत श्रद्धांजली वाहिली,” असे ट्वीट त्यांनी केले आहे.

शिवचिंतनात रमलेला असा शिवआराधक शोधून सापडणार नाही. या अलौकिक शिवसाधकाने शिवरायांच्या स्तुतीसाठीच प्रयाण केले असावे, अशा शब्दांत मुख्यमंत्री उद्धव बाळासाहेब ठाकरे यांनी शिवशाहीर पद्मविभूषण, महाराष्ट्र भूषण बाबासाहेब पुरंदरे यांच्या निधनावर तीव्र शोक व्यक्त करत श्रद्धांजली वाहिली.

— CMO Maharashtra (@CMOMaharashtra) November 15, 2021