बारामती | मराठा आरक्षण प्रश्न दिवसेंदिवस अति महत्वाचा होत चालला आहे. या प्रश्नावर आता मराठी क्रांती मोर्चाचे सदस्य अधिक आक्रमक झाले आहेत. बारामतीत शनिवारी (२६ सप्टेंबर) सकाळी ९ ते ११ या वेळेत उपमुख्यमंत्री अजित पवार यांच्या निवासस्थानासमोर ढोल बजाव आंदोलन केले जाणार आहे. मराठा आरक्षणाला सर्वोच्च न्यायालयात अंतरिम स्थगिती मिळाल्यानंतर राज्यभर मराठा समाजाच्या वतीने आंदोलन केली गेली. दरम्यान, राज्य सरकारने न्यायालयात स्थगिती मागे घ्यावी यासाठी विनंती अर्ज केला आहे.
उपमुख्यमंत्री अजित पवार यांच्या बारामतीतील भिगवण रस्त्यावरील सहयोग सोसायटीमधील निवासस्थानासमोर शनिवारी बारामती शहर व बारामती तालुक्यातील मराठा क्रांती मोर्चाच्या सदस्यांकडून ढोल वाजवून आंदोलन केले जाणार आहे. हे आंदोलन करताना पोलिस प्रशासनाचे नियम, कोरोनाच्या दृष्टीने आवश्यक सोशल डिस्टन्सिंग, मास्कचा तसेच वेळोवेळी सॅनेटायझरचा वापर करणे या बाबी पाळणे बंधनकारक असणार आहे. मराठा समाजावर अन्याय होतो आहे, तरीही आपण कायदा व सुव्यवस्था त्याचसोबत स्वताःची व सामाजिक स्वास्थ्याची जबाबदारी घेत हे आंदोलन करायचे असल्याचे या बाबतच्या पत्रकात नमूद करण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
