पुणे | पुण्याच्या चिंचवड भागात राहणाऱ्या माही अवध जैन नामक मुलीचे अपहरण झाल्याचे काळताच पुणे पोलिसांनी 12 तासात त्या मुलीचा शोध घेत तिला आपल्या पालकांकडे सुपूर्द केले.
मागील तीन वर्षांपासून माही चिंचवड मधील क्विन्स टाऊन सोसायटीमध्ये राहते. नेहमीप्रमाणे दुपारी चार वाजता ती शाळेतुन घरी आली. नंतर सोसायटी जवळ असलेल्या मायमार्ट मध्ये पेन आणण्यासाठी ती गेली. तिथेच कार मध्ये बसलेल्या दोन जणांनी तिला जबरदस्तीने कारमध्ये बसवले. तेव्हा माहिने आरडाओरडा केला. तीचा आवाज एकूण दुकानदार बाहेर आला मात्र ते दोघे महिला घेऊन पसार झाले होते.
दुकानदारने आपल्या दुचाकीने त्यांच्या कारचा पाठलाग केला परंतु तो त्याच्या गाडीला गाठू शकला नाही. तेव्हा दुकानदाराने याबाबत माहिच्या घरी कळवले. माहिच्या पालकांनी त्वरित पोलिसांकडे धाव घेत सर्व प्रकार पोलिसांना सांगितला. पोलिसांनी लगेच अपहरणकर्त्यांचा शोध सुरु केला. रात्री 8 वाजता माहिच्या वडिलांना फोन आला ज्यावरून पैश्यांची मागणी करण्यात आली. त्या फोनचे लोकेशन ट्रॅक करत पोलिसांनी शनिवारी सकाळी 4 वाजता दोन जणांना मारुंजी परिसरातून अटक केली. आणि माहीला तिच्या पालकांकडे सुरक्षित सोपवले. माहिच्या वडील आयटी क्षेत्रात तर आई बॅंकेत काम करतात.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
