पुणे | रमजानचा महिना हा इस्लाम धर्मासाठी पवित्र समजला जातो. याच महिन्यात सर्व मुस्लिम समाज महिनाभर रोजा पाळतात. दिवसभर रोजा ठेवत सायंकाळी नमाजच्या वेळी अन्न पाणी ग्रहण करुन रोजा सोडतात. या महिन्यात समाजातील विविध जाती-धर्मातले लोक एकत्र येत बंधुत्वाचे प्रेमाचे नाते दृढ करण्यासाठी मुस्लिम बांधव इफ्तार पार्टीचे आयोजन करतात.
पुण्याच्या अग्निशमन दलमध्ये असाच इफ्तारचा कार्यक्रम मुख्य अग्निशमन अधिकारी प्रशांत रणपिसे यांच्यामार्फत आयोजित करण्यात आला होता. त्या निमित्ताने अग्निशमन दलाचे जवान एकत्र येतात व खेळीमेळीचे उत्साही वातावरण राहते. यावेळी दलाचे मुख्य अग्निशमन अधिकारी प्रशांत रणपिसे तसेच विभागीय अधिकारी सुनिल गिलबिले, सहायक अधिकारी दत्तात्रय नागलकर, केंद्र अधिकारी सुभाष भिलारे व तांडेल राजाराम केदारी आदी उपस्थित होते.
यावेळी जवान शौकत शेख म्हणाले, “अशाप्रकारे एकत्र येत आमचे काम करण्याचे मनोबल उंचावते. अशा ठिकाणी जवान म्हणून काम करताना सर्व धर्म समभाव हेच ह्दयात भिनलेले असते. आग आपत्ती वेळी अडकलेले लोक कोण अथवा घर कोणाचे हा विचार ही मनाला स्पर्श करीत नाही. जिवित व मालमत्तेचे रक्षण हेच एक ध्येय समोर असते असेही ते यावेळी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
