नवी मुंबई । मनसे अध्यक्ष राज ठाकरे यांच्यावर वाशी टोलनाका तोडफोड प्रकरणी २०१४ साली वाशी पोलीस ठाण्यात गुन्हा दाखल केला होता. या प्रकरणी आज (६ फेब्रुवारी) राज ठाकरे स्वतः न्यायालयात हजर झाले आहेत. या प्रकरणी आता राज ठाकरे यांना जामीन मंजूर झाला आहे. १५ हजारांच्या जातमुचलक्यावर राज यांना जामीन मंजूर करण्यात आल्याची माहिती मिळत आहे. दरम्यान, आता या प्रकरणाची पुढील सुनावणी ५ मे रोजी होणार आहे.
राज ठाकरे यांच्या वकिलांनी म्हणजे ऍड राजन शिरोडकर यांनी दिलेल्या माहितीनुसार, “न्यायालयातून साक्षीदारांना समन्स देण्यात येईल आणि केसला सुरुवात होईल. त्याचप्रमाणे, यापुढे राज ठाकरे यांना सुनावणीसाठी यावे लागणार नाही.” वाशी टोलनाका तोडफोड प्रकरणी राज ठाकरे यांच्यावर २०१४ साली वाशी पोलीस ठाण्यात गुन्हा दाखल केला होता. वारंवार समन्स पाठवूनही राज ठाकरे उपस्थित राहिले नाहीत त्यामुळे राज यांच्याविरोधात वॉरंट काढले होते.
राज ठाकरे याच पार्श्वभूमीवर स्वत: न्यायालयात हजर राहिले होते. यावेळी नवी मुंबईत मनसे पदाधिकाऱ्यांकडून मोठ्या प्रमाणात बॅनरबाजी करण्यात आली होती. यावेळी न्यायालयाकडून राज ठाकरे यांना जामीन मंजूर झाला आहे. यावेळी राज ठाकरेंसोबत अमित ठाकरे, बाळा नांदगावकर, गजानन काळे उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
