मुंबई | संपर्क फॉर समर्थन अभियान सर्वात घाणेरडा कार्यक्रम असल्याचे काँग्रेसचे मुंबई अध्यक्ष संजय निरुपम यांनी सांगून भाजपरवर निशाणा साधला. निरुपम यांनी काँग्रेस कार्यालायात पत्रकार परिषद घेण्यात आल असून यात निरुपम यांनी भाजप आणि पालिकेचा खरपूस समाचार घेतला.

आठवड्या भरापूर्वी भाजपचे राष्ट्रीय अध्यक्ष अमित शहा संपर्क फॉर समर्थन या आभियाना अंतर्गत मुंबईच्या एक दिवसीय दौऱ्यावर आले होते. या दौऱ्यात दरम्यान शहा यांनी अभिनेत्री माधुरी दीक्षित आणि उद्योगपती रतन टाटा या प्रसिद्ध व्यक्तीची भेट घेत त्यांना मोदी सरकारच्या चार वर्षात झालेला विकास बदल सांगून त्यांचे समर्थन मिळवण्याचा प्रयत्न केला. तसेच शहा ज्या ज्या व्यक्तींची भेट घेतली त्यांना काँग्रेस हे पुस्तक देणार असल्याचे निरुपम यांनी सांगितले.

मोदी सरकारचा चार वर्षात आढावा ‘विश्वासघात’ पुस्तकातून

मुख्यमंत्री देवेंद्र फडणवीस या मंत्र्यांना क्लीनचीट असा आरोप संजय निरुपम यांनी केला आहे. महाराष्ट्र शासनातील १४ भ्रष्ट मंत्र्यांवर आधारित काँग्रेसने पुस्तक बनविले आहे. राहुल गांधी यांच्या हस्ते उद्या या पुस्तकारचे प्रकाशन करण्यात येणार आहेत.

या पुस्तकात पंकजा मुंडे, विनोद तावडे, एकनाथ खडसे, गिरीष बापट, सुभाष देशमुख, विष्णू सावरा, जयकुमार रावल, प्रकाश मेहता, सुभाष देसाई, अर्जुन खोतकर, रविंद्र वायकर, संभाजी निलंगेकर पाटील, दिपक सावंत आणि महादेव जानकर या १४ भ्रष्ट्राचारी मंत्र्यांचे भ्रष्टाचारीची माहित या पुस्तकात देण्यात आली आहे. तसेच या पुस्तकात समृद्धी महामार्गवरील घोटाळा यावर देखील माहिती दिली आहे.

पालिकेच्या अपुऱ्या सुविधा

पालिका आरोग्यावर 3 हजार तीनशे 11 कोटी खर्च करुन सुद्धा पालिकेच्या रुग्णालयाची दुरावस्थेत आहेत. पालिकेचे एक ही रुग्णालयात जाऊन आपण उपचार करुन शकतो. रस्ते आणि उड्डाणपूल ३ हजार २९६ कोटी रुपये पालिका खर्च करते. तरी सुद्धा पहिला पावसात मुंबईची दुरावस्था झालेली दिसून येते.

पालिका दरवर्षी पाणी पुरवठा 5 हजार 61 कोटी खर्च करुन ही मुंबईकरांना अपुरा पाणी पुरवाठा होतो. मुंबईकरांना पाणी टंचाईचा सामना करावा लागतो. मुंबईला पुरेसे पाणी पुरवठा नसल्यामुळे पालिका नेमके ऐवढ्या पैसांचे करते तरी काय असा सवाल संजय निरुपम यांनी पत्रकार परिषदेत उपस्थित केला.