अहमदनगर | शिवसेना खासदार संजय राऊत आज (३१ जुलै) नगरमध्ये गेले होते. यावेळी त्यांनी पुन्हा येईनचा नारा लावला होता. राऊतांनी बोलताना असं म्हटलं की, जोपर्यंत चंद्र, सुर्य आहे, तो पर्यंत शिवसेना राहिल. बाळासाहेब ठाकरेंचं नाव राहील. पुढे संजय राऊत असं म्हणाले की, एक पक्षाचा कार्यकर्ता म्हणून मला बोलावलं. मला परत बोलावलं तर मी परत येईन, पुन्हा पुन्हा येईन. जिथे भगवा झेंडा आहे तिथे मी येत राहील. कारण इथे आधी भगवा झेंडा होताच आणि त्याला आता शंकररावांनी दांडा बांधला आहे. त्यामुळे पुन्हा एकदा नाव घेता संजय राऊतांनी फडणवीसांना डिवचलं आहे. यावर फडणवीसांकडून काही प्रतिक्रिया येणार का याकडे सगळ्यांचे लक्ष लागलं आहे.
“नारायण राणे कुठेही गेले तरी, लोकं तुम्हाला शिवसैनिक म्हणूनच ओळखणार”
गेल्या अनेक दिवसांपासून भाजप नेते आणि केंद्रीय मंत्री नारायण राणे आणि शिवसेनेतील वाद अजूनच वाढलेले दिसले आहे. नारायण राणेंनी चिपळूण दौऱ्यात मुख्यमंत्र्यांचा उल्लेख एकेरी केला होता. तसेच, अनेक मुद्द्यांवरून नारायण राणे आणि त्यांचे दोन्ही सुपुत्र शिवसेना, मुख्यमंत्री उद्धव ठाकरेंवर जोरदार प्रहार करताना दिसत आहे. शिवसेनेकडूनही टीकेला प्रत्युत्तर दिले जात आहे. यातच आता शिवसेना नेते आणि खासदार संजय राऊत यांनी नारायण राणे यांना टोला लगावत, ते कुठेही गेले तरी, त्यांची ओळख कायम शिवसैनिक म्हणूनच राहणार असल्याचे म्हटले आहे.दरम्यान, मुख्यमंत्री उद्धव ठाकरे हे वाईल्ड फोटोग्राफर आहेत. ते वाघ आणि सिंहाचे फोटो काढतात. इतर प्राण्यांचे नाही, असा चिमटा काढत दिल्लीच्या तख्तावरही भगवा फडकवू. हरलेल्या जागा पुन्हा जिंकायच्या आहेत. तीच खरी बाळासाहेबांना मानवंदना राहील, असे संजय राऊत म्हणाले आहेत.
सत्ता हा मानसिक आधार असतोशिवसेनेत माज असायलाच हवा. कोणी गुंड, मवाली म्हटलं तरी चालेल. वाघासारखे जन्माला आलो, वाघासारखे मरणार, असे सांगत, पंतप्रधान मोदी म्हणतात, कैसे हो भाई? याला सत्ता म्हणतात. सत्ता हा मानसिक आधार असतो. सत्ता असल्याने आम्ही अधिकाऱ्यांना गडचिरोलीला पाठवू का असा दम देऊ शकतो, अशी खोचक टीका संजय राऊत यांनी केली. तसेच गुजरातेतदेखील सामना पेपर घेतात, असे राऊत यांनी नमूद केले. नगर येथे आज (३१ जुलै) एका कार्यक्रमात बोलताना संजय राऊत यांनी कानपिचक्या दिल्या आहेत.
लोकं तुम्हाला शिवसैनिक म्हणूनच ओळखणार
संसदेत अनेक खासदार येतात. बऱ्याच खासदारांना कोणी ओळखतही नाहीत. पण शिवसेनेच्या खासदारांना ओळखले जाते. शिवसैनिक म्हणून ही ओळख आहे. पक्ष सोडून गेला तरी त्याची ओळख शिवसैनिक हीच राहते. हा नारायण राणे… तो आमका असे म्हटले जात नाही. तो शिवसैनिक आहे, असेच म्हटले जाते. तुम्ही कुठेही जा, लोकं तुम्हाला शिवसैनिक म्हणूनच ओळखणार. आमदार आणि खासदार माजी होतो. पण शिवसैनिक कधीच माजी होत नाही, या शब्दांत संजय राऊत यांनी नारायण राणेंवर निशाणा साधला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
