मुंबई | शिवसेना खासदार संजय राऊत यांनी विरोधी पक्षनेते देवेंद्र फडणवीस यांना कोरोनाची लागण झाल्यानंतर ते लवकर बरे व्हावे यासाठी प्रार्थना केली आहे. संजय राऊत यांनी फडणवीसांना वारंवार काळजी घेण्यास सांगितलं होतं. मात्र, त्यांनी ऐकलं नाही, असे राऊत यांनी म्हटलं आहे. परिस्थिती किती गंभीर आहे, हे आज फडणवीसांना समजले असेल. फडणवीस लवकर बरे होवोत यासाठी आई तुळजाभवानीकडे प्रार्थना करतो,असं राऊत म्हणाले.
दरम्यान, देवेंद्र फडणवीस यांनी शासकीय रुग्णालयात दाखल होण्याचा चांगला निर्णय घेतला आहे. सरकार त्यांची पूर्ण काळजी घेईल, असेही राऊत म्हणाले आहेत. कालच (२४ ऑक्टोबर) देवेंद्र फडणवीस यांनी त्यांची कोरोना चाचणी पॉझिटिव्ह आल्याची माहिती दिली होती.तसेच, आज (२५ ऑक्टोबर) शिवसेनेचा दसरा मेळावा सावरकर सभागृहात होणार आहे. कोरोना नसता तर आज शिवतीर्थावर आज शिवसैनिकांचा महापूर दिसला असता, असे राऊत यांनी म्हटले आहे.
मुख्यमंत्री सीमोल्लंघन करणार आहेत, ते कोणत्या प्रकारचं हे संध्याकाळी समजेल. हिंदुत्व हे आमच्यासाठी लाखमोलाचे आहे.
मोफत कोरोना लसीवरुन सुरु असलेल्या राजकारणावर संजय राऊत यांनी भाष्य केले आहे. मुख्यमंत्री उद्धव ठाकरे लसीचं राजकारण करण्याएवढे कोत्या मनोवृत्तीचे नाहीत. नवाब मलिकांनी घोषणा केली असेल तर त्यांनी त्याबाबत चर्चा केली असेल, असं राऊत म्हणाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
