नांदेड महापालिकेत भ्रष्टाचार, प्रशांत पोपशेटवार यांचा आरोप

नांदेड – नांदेड महापालिकेत लाड पाके समिती अंतर्गत महापालिकेच्या सफाई कामगारांना देण्यात येणाऱ्या पदोन्नतीमध्ये भ्रष्टाचार झाल्याचा आरोप भ्रष्टाचार निर्मुलन समितीचे अध्यक्ष प्रशांत पोपशटवार यांनी केला आहे. याप्रकरणी चौकशी व्हावी अशी मागणी करत महापालिका आयुक्तांना निवेदन दिले आहे.

लाड पाके समितीमध्ये सफाई कामगारांच्या पाल्यांना वारसा हक्कानुसार कामावर घेतले जाते. महापालिकेतील नऊ सफाई कामगारांची नियमबाह्य पदोन्नती लिपीक पदावर करण्यात आली आहे. पदोन्नतीमध्ये मोठा भ्रष्टाचार असून दोषीवर कारवाई करण्याची मागणी समितीने केली आहे. दोषीवर कारवाई न झाल्यास आंदोलन करण्याचा इशारा जिल्हा भष्टाचार निर्मुलन समितीचे अध्यक्ष प्रशांत पोपशेटवार आणि सुशांत जोंधळे यांनी दिला आहे. मनपाच्या २००९-२०१० कालावधीत लाड पाके समिती अंतर्गत नियमबाह्य कर्मचाऱ्यांची भरती झाले आहेत. लोकशाही पद्धतीने संबंधीत आधिकाऱ्यावर दंडात्मक कारवाई करण्यासाठी संघटनेच्या वतीने निवेदन दिले आहे. दोषींवर कारवाई न झाल्यास संपूर्ण नांदेडमध्ये आंदोलन करण्यात येईल असा इशारा समितीने दिला आहे.