कोल्हापूर | कोल्हापूरच्या महापौरपदाची निवडणुक अत्यंत प्रतिष्ठेची समजली जात होती. परंतु शुक्रवारी झालेल्या निवडणुकीमुळे कोल्हापूरच्या महापौरपदाच्या निवडणुकीत काँग्रेसच्या शोभा पंडितराव बोंद्रे यांचा विजय झाला आहे. तर उपमहापौरपदी राष्ट्रवादी काँग्रेसचे महेश सावंत यांच्या नावावर शिक्का मोर्तब झाला आहे. महापौरपदाच्या निवडणुकीत तटस्थ राहण्याचा निर्णय शिवसेनेने गुरुवारी रात्री घेतला. त्यामुळे काँग्रेसच्या विजयाचा मार्ग मोकळा झाल्याचे बोलले जात आहे. शिवसेनेच्या या निर्णयामुळे निवडणुकीला कलाटणी मिळाल्याची चर्चा आहे.
कोल्हापूरच्या महापौर, उपमहापौर पदासाठी जिल्हा परिषदेचे मुख्य कार्यकारी अधिकारी तथा पीठासन अधिकारी डॉ. कुणाल खेमणार यांच्या अध्यक्षतेखाली सकाळी अकरा वाजल्यापासून निवडणूक प्रक्रिया सुरू झाली. मतदानात अपेक्षेप्रमाणे शोभा बोंद्रे यांना काँग्रेस-राष्ट्रवादीची ४४ मते मिळाली.तर भाजप-ताराराणी आघाडीच्या रूपाराणी संग्राम निकम यांना ३३ मते मिळाली.
उपमहापौरपदासाठी काँग्रेस-राष्ट्रवादीचे महेश सावंत, भाजपचे कमलाकर भोपळे व शिवसेनेचे अभिजित चव्हाण यांच्यात तिरंगी लढत पहायला मिळाली. शिवसेना या निवडणुकीत तटस्थ असली तरीही शिवसेनेचे अभिजित चव्हाण यांना अर्ज मागे घेतला आला नाही. तसेच शिवसेनेचे ४ नगरसेवक गैरहजर राहील्यामुळे सेनेच्या चव्हाण यांना शून्य मते मिळाली. त्याचबरोबर निवडणुकीत राष्ट्रवादीच्या महेश सावंत यांचा विजय झाला. सावंत यांना आघाडीची सर्व ४४ मते मिळाली. भाजप-ताराराणीच्या कमलाकर भोपळे यांना ३३ मते मिळाली. त्यामुळे उपमहापौरपदी राष्ट्रवादीच्या महेश सावंत यांचे नाव निश्चित करण्यात आले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
