धुळे | एसटीने प्रशासनाने तिकीट दराबाबत महत्वाचा निर्णय घेतला आहे. सर्व प्रकारच्या एसटीच्या तिकीट दरात १८ टक्के दरवाढीचा निर्णय एसटीने प्रशासनाने घेतला आहे. १५ जून (आज ) मध्यरात्रीपासूनच या निर्णयाची अम्मल बजावनी होणार असुन हे नवे दर लागु होणार आहेत. दरवाढीच्या या निर्णयामुळे १५ ते १८ जून या कालावधीत देण्यात आलेल्या सर्व एसटीच्या अधिकाऱ्यांच्या रजा रद्द करण्यात आल्या आहेत तसच सर्व अधिकाऱ्यांना मुख्यालयात हजर राहण्याचे आदेशही देण्यात आले आहेत.
दररोज डिझेलचे वाढते दर आणि नुकतीच एसटी कर्मचा-यांची करण्यात आलेली वेतनवाढ यामुळे एसटीच्या खर्चात मोठ्या प्रमाणात वाढ झाली आहे. त्यामुळे एसटीने हा निर्णय घेतला आहे. नेहमीच सुट्ट्या पैशांवरुन प्रवासी आणि वाहकांदरम्यान वादावादी होते त्यामुळे याच्यावर ऊपाय म्हणुन यापुढे तिकीटाची भाडे आकारणी ही पाच रुपयांच्या पटीने करण्याचा निर्णयही घेण्यात आला आहे.
उदाहरणार्थ, एखाद्या प्रवासाचे तिकीट सात रुपये असेल तर त्याऐवजी पाच रुपये आकारले जातील. तसेच आठ रुपये तिकीट असल्यास १० रुपये तिकीटदर आकारला जाईल. या निर्णयामुळे सुट्ट्या पैशांचा प्रश्न सुटणार असून ही वादावादी कमी होईल असे एसटी महामंडळाने म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
