विद्यार्थी भत्ता थेट विद्यार्थ्यांच्या खात्यात जमा होणार

मुंबई | मागासवर्गीय विद्यार्थ्यांना मिळणा-या शिष्यवत्तीची रक्कम या पुढे संबंधित शैक्षणिक संस्थांच्या खात्यात जमा केली जाणार आहे. परंतु विद्यार्थ्यांना मिळणा-या भत्त्याची रक्कम मात्रविद्यार्थ्यांच्याच खात्यात जमा होईल असे राज्य सरकारने गुरुवारी उच्च न्यायालयाला सांगितले. केवळ शिकवणी शुल्क व परीक्षा शुल्क शैक्षणिक संस्थांच्या खात्यात जमा होणार आहे.

शैक्षणिक वर्ष 2017-18 मध्ये हा नियम लागू होणार असून पुढील शैक्षणिक वर्षासाठी कोणताही ठोस निर्णय अद्याप घेण्यात आलेला नाही. गुरुवारी न्या. भूषण गवई व न्या. भारती डांग्रे यांच्या खंडपीठाने येत्या 2 मे रोजी होणा-या कॅबिनेट बैठकीत यासंदर्भात निर्णय होईल अशी माहीती दिली.