मुंबई | राम मंदिर बांधण्यास पंतप्रधान नरेंद्र मोदी सरकारकडून उशीर करत असल्याचे विधान करत भाजप नेते आणि खासदार सुब्रमण्यम स्वामी यांनी भाजपला घरचा आहेर दिला आहे. स्वामी यांनी आज (१८ जून) मुंबईत शिवसेना पक्षप्रमुख उद्धव ठाकरे यांची मातोश्री या निवासस्थानी सदिच्छा भेट घेतली आहे. या भेटीनंतर प्रसार माध्यमांशी बोलताना स्वामी यांनी राम मंदिर बांधण्यास सरकार विलंब होत असल्याचे विधान त्यांनी केले आहे.
भाजपचे राज्यसभा खासदार डॉ.@Swamy39 जी यांनी आज शिवसेना पक्षप्रमुख मा. श्री. उद्धव साहेब ठाकरे यांची मातोश्री निवासस्थानी सदिच्छा भेट घेतली. pic.twitter.com/5ZdRgOsiLZ
— ShivSena – शिवसेना (@ShivSena) June 18, 2019
नुकतेच पुन्हा एकदा उद्धव ठाकरेंनी अयोध्या दौरा केला आहे. यानंतर स्वामींनी राम मंदिराच्या मुद्यावरून भेट घेतली आहे. राम मंदिर बांधण्यास सरकारला कोणाचीही परवानगी घेण्याची गरज नाही. जमिनीचे राष्ट्रीयकरण झालेले आहे. केंद्र सरकारकडे या जमिनीचा मालकी हक्क आहे. सरकारला वाटेल तेव्हा या जमिनीवर सरकार राम मंदिराचे बांधकाम करु शकते, असे सुब्रमण्यम स्वामी म्हणाले.
राम मंदिर बांधण्यासाठी केवळ ज्या लोकांचा जमिनी मंदिराच्या बांधकामासाठी वापरणार आहोत. त्यांना त्याबद्दलत योग्य मोबदला देणे आवश्यक आहे. तसेच मोबदला दिला असल्याचे कागदपत्र न्यायालयात सादर केल्यानंतर कोणत्याही क्षणी सरकार राम मंदिराच्या बांधकामाला सुरुवात करु शकते, असे देखील स्वामी म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
