कोल्हापूर |ज्येष्ठ नागरिकांना एस.टीचा प्रवास अर्ध किंमतीत असतो त्यासाठी ज्येष्ठ नागरिकांचे ओळखपत्र आवश्यक आहे. मात्र आता ज्येष्ठांना सवलतीसाठी अचानक आधारकार्ड सक्तीचे करण्यात आले आहे. सवलतीसाठी आधारकार्डशिवाय कोणतेही ओळखपत्र ग्राह्य धरण्यात येणार नाही. असा नियम एस. टी. महामंडळाने काढला आहे. या नवीन नियमांमुळे ज्या वाहकांनी जुन्याच ओळखपत्राद्वारे तिकीट दिले. त्यांना एस. टी. महामंडळाने या वाहकांवर सक्त कारवाई करण्याचा इशारा दिला आहे.
बुधवारी आधारकार्ड नसलेल्या ज्येष्ठ नागरिकांना संपूर्ण तिकीट काढा किंवा खाली उतरा, असे म्हणत चक्क एस.टी.तून उतरवण्यात आल्याचे प्रकार घडले आहेत. त्यामुळे वाहक आणि ज्येष्ठ नागरिक यांच्यात वादावादीचे प्रसंग उद्भवले. ज्यांच्याकडे आधारकार्ड नाही त्या ज्येष्ठ नागरिकांना सवलत नाही असा नियम सर्व वाहकांनी लागू केला आहे. पूर्वकल्पना न देता एस. टी. महामंडळाने मंगळवारपासून या आदेशाची अंमलबजावणी सुरू केली त्यामुळे पूर्वकल्पना द्यावी असे वृत्तपत्र विक्रेता संघटना, राज्य उपाध्यक्ष रघुनाथ कांबळे यांनी सांगितले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
