मुंबई | कोस्टल रोडला सर्वोच्च न्यायालयाकडून हिरवा कंदील मिळाला आहे. सर्वोच्च न्यायालयाच्या निर्णयामुळे मुंबई उच्च न्यायालयाने कोस्टल रोडला दिलेली स्थगिती उठवली आहे. या प्रकल्पामुळे शहरातील वाहतूक कोंडीचा विचार करता मुंबईसाठी वाहतुकीचे नवे पर्याय निर्माण करणे ही काळाची गरज असल्याचे मत यावेळी सर्वोच्च न्याायलयाने व्यक्त करत कोस्टल रोडवरील स्थगिती उठवली.
कोस्टल रोडचा प्रकल्प जवळपास १२ हजार कोटींचा आहे. या प्रकल्पासाठी मुंबईतील अनेक ठिकाणच्या किनाऱ्यांवर भराव टाकण्यात येणार आहे.या प्रकल्पाचे दोन टप्प्यात काम पूर्ण होणार आहे. यात पहिला टप्प्यात मुंबई शहरातून जाणाऱ्या प्रकल्पाच्या कामाची संपूर्ण जबाबदारी महापालिकेने घेतली होती. या प्रकल्पाचे बांधकामसुद्धा महापालिकेच्या देखरेखीखाली सुरू होते. पर्यावरणवाद्यांनी मुंबईत उच्च न्यायालयात याचिका करून या प्रकल्पाला स्थगिती मिळवली होती.
ही स्थगिती उठवताना केवळ या रस्त्याचे काम करण्यास परवानगी देत आहोत, त्यामुळे प्रकल्पाशेजारची इतर विकासकामे सुरु करु नका, असे स्पष्ट निर्देश देखील सरन्यायाधीश शरद बोबडे, न्यायमूर्ती भूषण गवई आणि न्यायमूर्ती सूर्यकांत यांच्या खंडपीठाने दिले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
