HW Marathi
महाराष्ट्र राजकारण

तेच हिंदुत्व प्रबोधनकारांना अपेक्षित होते – सुशीलकुमार शिंदे

पुणे | काँग्रेस पक्षाचे ज्येष्ठ नेते आणि माजी केंद्रीयमंत्री सुशीलकुमार शिंदे यांनी भाजपावर निशाणा साधला आहे.“शिवसेनेनं सत्तेसाठी हिंदुत्वाला मुरड घातली असे मला तरी वाटत नाही. कारण, किमान समान कार्यक्रम हा प्रबोधन ठाकरे यांनी वेगळ्या रुपाने आधी मांडला होता. त्याला आता उद्धव ठाकरेंनी चांगली साथ देत भाजपाला सत्तेपासून त्यांनी दूर ठेवले आहे. भाजपाच्या हिंदुत्वाला शिवसेनेनं चांगला धडा शिकवला आहे.” अशा शब्दांत

पुण्यातील बालगंधर्व रंग मंदिर येथे आयोजित करण्यात आलेल्या, प्रबोधन शतक महोत्सव आणि शिवसेना प्रमुख बाळासाहेब ठाकरे यांच्या जयंतीनिमित्त कार्यक्रमाप्रसंगी सुशीलकुमार शिंदे हे बोलत होते. यावेळी त्यांनी शिवसेनाप्रमुख बाळासाहेब ठाकरे आणि सध्याच्या राजकीय परिस्थितीवर भाष्य केले आहे.

सुशीलकुमार शिंदे म्हणाले, “शिवसेना आज ज्या किमान समान कार्यक्रमनुसार सत्तेत आली, तेच हिंदुत्व प्रबोधनकारांना अपेक्षित होते आणि तेच खरे हिंदुत्व आहे ” असं त्यांनी सांगितले.“राज्यात शिवसेना २० वर्षानंतर सत्तेत आली असून, खरंतर हेच २५ वर्षे आधी व्हायला हवे होते. त्यामुळे आता पुढे जाऊ या.. ” असे आवाहन देखील या कार्यक्रमाच्या माध्यामातून महाविकास आघाडीच्या नेत्यांना त्यांनी यावेळी केले. पुणे हे राष्ट्रीय स्वंयंसेवक संघाचा अड्डा आहे आणि त्या पुण्यात आज प्रबोधनकारांची आणि शिवसेना प्रमुखांची जयंती साजरी होत आहे. ही मोठी ऐतिहासिक घटना असल्याचेही सुशीलकुमार शिंदेंनी बोलून दाखवले.

Related posts

केंद्रिय कर्मचाऱ्यांची दसऱ्यापासूनच दिवाळी सुरू होणार!

News Desk

मोदी – शहांना जे हवे तेच घडताना दिसत आहे, देश संकटात आहे !

News Desk

पंतप्रधान नरेंद्र मोदींच्या कर्नाटक दौऱ्यातील काळ्या बॉक्समध्ये दडलेय तरी काय ?

News Desk