मुंबई | महाराष्ट्रात विधानपरिषदेच्या ९ जागांसाठी २१ मे रोजी निवडणूक होणार आहे. माजी खासदार रणजितसिंह मोहिते पाटील, धनगर समाजाचे नेते गोपीचंद पडळकर, नागपूरचे माजी महापौर प्रवीण दटके आणि नांदेडचे डॉ. अजित गोपछेडे विधान परिषदेची उमेदवारी देण्यात आली आहे. भाजपने काल (८ मे) चार उमेदवारांची यादी जाहीर केली आहे. मात्र, राष्ट्रवादी काँग्रेस आणि काँग्रेसकडून विधानपरिषदेसाठी कोणाला उमेदवारी निश्चित होणार याकडे सर्वांचे लक्ष लागेल आहे.

एका वर्तमानपत्रात विधानपरिषद निवडी सोबत राष्ट्रवादी प्रदेशाध्यक्ष निवडी बाबतच्या चर्चेची बातमी आलेली आहे, प्रदेशाध्यक्ष निवडी बाबतच्या बातमीत कोणतेही तथ्य नसून फक्त विधानपरिषद निवडी संदर्भात माझे नाव चर्चेत आहे. दुसरी कोणत्याही प्रकारची चर्चा सध्य परिस्थितीत नाही.

— Shashikant Shinde (@shindespeaks) May 8, 2020

राष्ट्रवादीकडून महिला आघाडीच्या अध्यक्षा रुपालाताई चाकणकर, अमोल मिटकरी आणि शशिकांत शिंदे यांच्या नावांच्या चर्चा राजकीय वर्तुळात रंगल्या आहे. मात्र, शशिकांत शिंदे यांनी ट्विटर हँडलवरूनही त्यांच्या नावाच्या चर्चेवरू माहिती दिली आहे. शशिकांत शिंदेंनी लिहिले, “एका वर्तमानपत्रात विधानपरिषद निवडी सोबत राष्ट्रवादी प्रदेशाध्यक्ष निवडी बाबतच्या चर्चेची बातमी आलेली आहे, प्रदेशाध्यक्ष निवडी बाबतच्या बातमीत कोणतेही तथ्य नसून फक्त विधानपरिषद निवडी संदर्भात माझे नाव चर्चेत आहे. दुसरी कोणत्याही प्रकारची चर्चा सध्य परिस्थितीत नाही.”

मी पक्षाचा निष्ठावान कार्यकर्ता | शशिकांत शिंदे

“मी पक्षाचा निष्ठावान कार्यकर्ता, मला संधी मिळाली तर आजवर लोकांसाठी काम केले. तसेच काम करेन,” असा विश्वास राष्ट्रवादीचे माजी आमदार शशिकांत शिंदे यांनी एच. डब्ल्यू. मराठीशी बोलताना व्यक्त केला आहे. विधानपरिषदेवर राष्ट्रवादीकडून इच्छुक आहात का असा प्रश्न विचारल्यावर ते म्हणाले ,”शेवटी विधानपरिषदेवर संधी कोणाला द्यायची हा निर्णय पक्षश्रेष्ठी आणि राष्ट्रवादी काँग्रेसचे अध्यक्ष शरद पवार घेतात. पण संधी मिळाली तर लोकांची सेवा करेन,” विधानपरिषदेवर शशिकांत शिंदे यांचे नाव राष्ट्रवादीकडून आघाडीवर आहे.

संबंधित बातम्या