मुंबई | कोरोनाच्या या भयावह काळात लॉक़डाऊनचे सगळ्यात जास्त चटके हे शेतकरी आणि मजूर वर्गाला बसले आहेत. त्यांचे झालेले अतोनात हाल यावर एक तोडगा म्हणून १२ लाख बांधकाम कामगारांना प्रत्येकी २ हजार रुपये देण्याचे ठाकरे सरकारने जाहीर केले आहे. ही रक्कम थेट त्यांच्या बॅंकेच्या खात्यात जमा होणार आहे.
बांधकाम कामगारांना भेडसावत असलेल्या अडचणीमध्ये त्यांना आर्थिक सहाय्य देण्यासाठी मुख्यमंत्री, उपमुख्यमंत्री, कामगारमंत्री यांच्या बैठकीत मंडळाकडील नोंदीत सक्रीय बांधकाम कामगारांना ₹ २००० एवढे आर्थिक सहाय्य थेट त्यांच्या बँक खात्यात DBT पद्धतीने जमा करण्याचा निर्णय घेण्यात आला. https://t.co/XlhrX6MPLg
— CMO Maharashtra (@CMOMaharashtra) April 18, 2020
सद्यस्थितीला सगळी बांधकामे ही ठप्प आहेत. त्यामूळे मजूरांवर आर्थिक संकट खूप मोठे आहे. त्यामूळे त्यांची आर्थिक चणचण थोड्याफार प्रमाणात का होईना पण कमी होण्यासाठी हा पर्याय शोधला आहे. दरम्यान, संकट काळ समोर आलेला असताना बांधकाम मजुरांच्या खात्यात पैसे जमा केले जावे असा प्रस्ताव राज्याच्या कामगार विभागाने मुख्यमंत्री उद्धव ठाकरे आणि उपमुख्यमंत्री अजित पवार यांच्याकडे मांडला होता. त्यानुसार मदतीच्या स्वरुपात प्रत्येकी २ हजार रुपये जमा करण्याचे आदेश देण्यात आले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
