मुंबई | देशभरात आज प्रजासत्ताक दिनाचा उत्साह आहे. मुंबईतील शिवाजी पार्कात मुख्यमंत्री उद्धव ठाकरे, राज्यपाल भगत सिंह कोश्यारी यांच्या उपस्थितीत ध्वजारोहण झालं. यानंतर भगत सिंह कोश्यारी यांनी राज्याला उद्देशून भाषण केले. या कार्यक्रमानंतर मुख्यमंत्र्यांच्या हस्ते सायबर पोलीस ठाणे उद्घाटन सोहळा झाला.
सायबर गुन्हेगारीला आळा घालण्यासाठी पाच विभागीय सायबर पोलीस ठाण्यांचे ॲानलाईन उद्घाटन मुख्यमंत्री उद्धव ठाकरे यांनी केले. याचबरोबर ९४ पोलीस ठाण्यातील स्वागत कक्षांचे उद्घाटन देखील केले.
शिवाजी पार्क येथे राष्ट्रध्वजवंदन कार्यक्रमास आवर्जून उपस्थित १०३ वर्षांचे स्वातंत्र्य सैनिक सत्यबोध सिंगीत यांना पाहून मुख्यमंत्री उद्धव ठाकरे त्यांच्या जवळ गेले आणि त्यांनी विचारपूस केली. सत्यबोध यांच्यासमवेत त्यांचा मुलगा आणि सूनदेखील होते. स्वतः मुख्यमंत्री आस्थेने चौकशी करताहेत म्हटल्यावर सत्यबोध सिंगीत यांनी आनंद व्यक्त करुन त्यांनी आशीर्वाद दिला. यावेळी मुख्यमंत्र्यांच्या पत्नी रश्मी ठाकरेही उपस्थित होत्या.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
