मुंबई | राज्यातील एकूण कोरोनास्थिती तसेच उद्यापासून देशभरात सुरु होणाऱ्या लसीकरणावर मुख्यमंत्री उद्दव ठाकरे यांनी आज (३० एप्रिल) फेसबूक लाईव्हच्या माध्यमातून जनतेशी संवाद साधला. उद्या (१ मे ) महाराष्ट्र दिनाच्या आणि कामगार दिनाच्या शुभेच्छा देत त्यांनी या संवादला सुरुवात केली. राज्यासाठी बलिदान देणाऱ्या सर्वांना मुख्यमंत्री अभिवादन केले. यावेळी बोलताना त्यांनी म्हटले की मागच्या वेळीचा महाराष्ट्र दिन लॉ़कडाऊनमध्ये गेला. यावर्षीही तशीच परिस्थिती आहे.
मुख्यमंत्री उद्धव ठाकरेंच्या संवादातील महत्त्वाचे मुद्दे :
* अजूनही काही दिवस असाच संयम आणि निर्बंध पाळावा लागेल.
* गेल्या वर्षी राज्यात कोरोनाने शिरकाव केला तेव्हा फक्त २ चाचणी केंद्रे होते आताच्या घडीला 600 च्या पुढे चाचणी केंद्रे आहेत.
* लॉकडाऊन केले तरीही आपण सातत्याने आरोग्यसुविधा वाढवत आहोत.
* राज्याचे हित साधले जात असेल तर इतरांचेही अनुकरण करू
* आपण आरोग्यसुविधा वाढवू शकतो पण डॉक्टर, नर्सेस आणि ऑक्सिजनचा तुटवडा मोठा आहे.
* ऑक्सिजनमुळे निर्माण झालेली स्थिती पाहिली तर एसीमध्ये मला घाम फुटतो.
* राज्यात ऑक्सिजन अगदी कट टू कट पुरवत आहोत.
* उद्या महाराष्ट्राला ६१ वर्षे पूर्ण होत आहे. मुंबई महाराष्ट्राला मिळवून देणाऱ्या सर्व वीरांना मी अभिवादन करतो.
* मुख्यमंत्र्यांकडून कामगार दिनाच्याही शुभेच्छा. शेतकरी, कामगारांचं स्मरण त्यांना मानाचा मुजरा
* गेल्या वर्षीपासून महाराष्ट्रावर दुष्टचक्र
* सर्वोच्च न्यायालयाने राज्य सरकारला विचारले की आताही पेक्षा कडक लॉकडाऊन लावण्याची गरज आहे का?
* माझ्यामते कडक लॉकडाऊन लावण्याची गरज असली तरी माझ्या लोकांवर त्यांच्या संयमावर विश्वास आहे.
* या काळात रुग्णसंख्या घटली नाही पण वाढही झाली नाही. आकडा स्थिरावला.
* आपण संयम दाखवला नसता तर महाराष्ट्राची काय अवस्था झाली असती ह्याची कल्पनाच नको.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
